Abdumutaliyev Rustamjon Abdulaziz O'g'li

Rustamjon bir oila farzandi bo‘lib, ota-onasi tomonidan tarbiya ko‘rgan. Aytishicha, uning hayotidagi eng muhim ta'sir ota-onasidan keladi. Ularning mehnati va unga bo‘lgan ishonchi Rustamjonnni yaxshi inson bo‘lishga undaydi. Shuningdek, ota-onasi unga bo‘sh vaqtida doimo kitob o‘qish va ilmga intilish zarurligi haqida ta'lim beradi. Boy tarbiya uning ijtimoiy fazilatlarini shakllantirishda katta rol o'ynaydi.

U 11-umumiy o‘rta ta’lim maktabida tahsil olgan. Maktabdagi o‘rganish jarayoni davomida u ko‘plab fanlarni yaxshi o‘rganib, ayniqsa matematika fani bo‘yicha juda muvaffaqiyatli bo‘ldi. Bu vaqt ichida u matematika fanidan bir nechta mukofot va sertifikatlar oldi. U o'zining katta yutuqlari orqali o'qish jarayoni davomida sinfdoshlarini ham ilhomlantirdi.

Hozirda Jahon iqtisodiyoti va diplomatiya universitetining 1-kurs talabasi sifatida xalqaro iqtisodiyot va menejment yo'nalishida tahsil oladi. Oliy ta'lim olish jarayonida u iqtisodiyot, siyosat va menejment kabi sohalarda chuqur bilim olishni maqsad qilmoqda. Universitetda o‘qish davomida u turli seminarlar va konferensiyalarda ishtirok etib kelmoqda.

Rustamjon o‘zining 2025–2026-o‘quv yilidagi faoliyatida “Yosh chegarachilar” musobaqasida guruh sardori sifatida viloyatda faxrli 1-o'rinni egalladi. Unga, shuningdek, Respublikada eng bilimdon qatnashchi sifatida e’tirof etildi. Joriy o‘quv yilida faqat bunday yutuqqa erishib qolmasdan, o‘zi yaratgan loyiha bo‘yicha “Yosh ixtirochi” ko‘rik-tanlovida, shuningdek, matematika fanidan olimpiadaning viloyat bosqichida ishtirok etdi. U matematika fanidan A, tarix, ona tili va adabiyoti fanlaridan B+, ingliz tili bo‘yicha esa IELTS 6.5 sertifikatlariga ega bo‘ldi.

Rustamjon bo‘sh vaqtida ilmiy va sohasiga aloqador kitoblarni o‘qishni yoqtiradi. Bu jarayon uning dunyoqarashini kengaytirishga xizmat qiladi. Chet tillarini o‘rganishga qiziqishi bor. Hozirda u rus tilini o‘rganmoqda. Sport bilan shug‘ullanish ham uning hayotida muhim o‘rin tutadi — bunda u futbol o‘ynash va qisqa masofalarga yugurishga qiziqadi.

Uning fikricha, lider bo‘lish uchun muhim fazilatlar moslashuvchanlik va mas’uliyat hisoblanadi. U o‘zining ustun tomonlari sifatida sadoqat va muntazamlikni qabul qilgan, shuningdek, izlanishda ishini oxirigacha yakunlamaguncha to‘xtamasligini ta'kidlaydi.

Rustamjon chet elda ta’lim olib, undagi ko‘nikmalarni o‘z mamlakatida qo‘llash, xalqqa imkoniyatlar yaratish maqsadi bor. U kuchli, yetuk diplomat bo‘lishni rejalashtirmoqda. Ushbu maqsad uchun izlanish va o‘z-o‘zini rivojlantirishda davom etmoqda.

Rustamjonning hayot shiori va motivatsiyasi uning ota-onasi orqali ifodalanadi: "Ota-onamning duosi — kuchim, ularning ishonchi — maqsadim, muvaffaqiyatim esa ularga bo‘lgan minnatdorchiligimdir!" U shuningdek, o'ziga doim eslatib turadigan so‘zni: "O'tmishdan saboq ol, bugun bilan harakat qil, kelajakni o'z qo'ling bilan yarat!" deb biladi. U o'z orzularidan voz kechmaslikka chaqiradi: "Hech qachon o‘z orzularingizdan voz kechmang, chunki katta muvaffaqiyatlar qat’iyat va tinimsiz mehnat bilan keladi."

Rustamjonning bugungi yo‘li va kelajak maqsadlari orasida o‘z sohasida yuqori natijalar ko‘rsatish, xalqaro diplomat sifatida muvaffaqiyat qozonish va ota-onasining ishonchini oqlash kabi maqsadlar mavjud. U o‘zining kuchli mantiqiy fikrlashi, yuqori darajadagi ma’rifatga intilishi va qat'iyatli ishlashi bilan kelajakda haqiqiy yutqlarga erishishini isbotlashi mumkin.