Abduraxmanova Asem Abdurashid Qizi

Abduraxmanova Asem Abdurashid Qizi oilada to'rt nafar qiz farzand bo'lib, ularning eng kattasi. Ota-onasi va buvisi aktiv hayot kechirishda doimo unga qo'llab-quvvatlash bilan birga, tarbiyada, bilimda va ahloqda to'g'ri yo'lni ko'rsatishga harakat qilishgan. Ular Asemga doimo ishonch bildirganlar, bu esa uning kelajagi uchun muhim rol o'ynagan. Asem har doim intizomli bo'lishga, mas'uliyatni his etishga va singillariga har bir qadamda munosib o'rnak bo'lishga intiladi.

U Toshkent davlat tibbiyot universitetining bakalavriatining 3-bosqich talabasi bo'lib, tibbiyot sohasida chuqur tasavvurga ega bo‘lishga harakat qiladi. 2024-yilda tibbiyot sohasida faoliyatini boshlaganidan buyon, Asem o'z yo'nalishi bo'yicha amaliy tadqiqotlar va loyihalarda faol ishtirok etib, bir qator yutuqlarga erishgan. Tahririy faoliyatida tibbiyotni rivojlantirish borasida o'z fikrini o'zgalar bilan baham ko'rishga intilmoqda.

Asem sport va san'at sohasida ko'plab yutuqlarga erishgan. U voleybol va sheyping bo'yicha o‘tkazilgan musobaqalarda faxrli 1-o‘rinni qo‘lga kiritgan. Bundan tashqari, ko‘plab tadbirlarda va raqs tanlovlarida faol ishtirok etib, ko‘plab sertifikatlar va mukofotlar bilan taqdirlangan. Asemning muvaffaqiyatlari nafaqat sportda, balki ijodiy sohalarda ham o'z ifodasini topgan.

Bo'sh vaqtida Asem asosan fitnes bilan shug‘ullanadi. Raqsga tushish esa uning sevimli mashg‘uloti bo'lib, bo‘sh vaqtini maroqli va unumli o'tkazishga yordam beradi. Uning hayotiy shiori: «Har kuni maqsad sari bir qadam». Bu shior unga har doim yangi yutuqlarga erishishga va oldiga qo'ygan maqsadlariga erishishga ilhomlantiradi.

Asemning fikricha, lider bo'lish uchun mas’uliyatni o‘z zimmasiga ola bilish, o‘z ortidan boshqalarni ergashtira olish va qat’iyatlilik muhimdir. U kelajakda o‘z yo‘nalishida to‘xtab qolmasdan, magistratura va ordinaturada tahsil olishni, sohasida yetuk mutaxassis bo‘lib ishlashni, shuningdek, ko‘plab orzu-maqsadlarga erishishni rejalashtirmoqda.

Asem boshqalar uchun muvaffaqiyatga erishish uchun tinimsiz mehnat qilish va bilim olish kerakligini ta'kidlaydi. "Qiyinchiliklardan qo'rqmang va o'zingizga bo'lgan ishonchni hech qachon yo'qotmang" deya maslahat beradi. U hayotda har doim o‘z ustida ishlash va samimiy mehnat qilish zarurligini izohlaydi.

Asem Abduraxmanova o'z hayotida oila va ta'limni birinchi o'ringa qo'yadi. Ota-onasi va buvisining ko'magi bilan kelajakda mustaqil va malakali mutaxassis bo'lish maqsadida izlanishda davom etadi. Asemning harakatlari yoshlar uchun yaxshi namunadir. U har qanday qiyinchilikka duch kelganda, o'z yo'lini topib, oldiga qo'ygan maqsadlarini uddalaydi.