Abduvohidova Farangiz Vaxob Qizi

U 2022-yilda Samarqand davlat universitetining noshirlik ishi yo‘nalishiga budjet asosida qabul qilingan. Farangiz faoliyatini 2-kursdan maqola yozish va ilmiy rahbariga shogird bo‘lishdan boshlagan. U turk va ingliz tilini o‘rganmoqda hamda ingliz tili kursini o‘tamoqda. U 2 marta B1 sertifikatini olgan.

Farangizning maqolasi “Nurli izlar” to‘plamida chop etilgan. Ko‘pgina konferensiyalar va jurnallarda 40 dan ortiq maqolalari nashr qilingan. Ingliz tilidagi maqolalari Germaniyaning “Raven Cage” va “Articless monthly” jurnallarida, shuningdek, Hindistonning “Kayva kishor Internatsional” saytida chop etilgan. U 100 dan ortiq sertifikat va tashakkurnomaga ega.

U “Ijodkor” kursining faol qatnashchisi hamda 2019-yil mart oyida “Zulfiya” mukofoti sohibasi To‘liyeva Sarvinoz tomonidan tashkil etilgan “Ijodkor” kursining faol bitiruvchisidir. U “Mahorat maktabi”ning 6 oylik jurnalistika kursini muvaffaqiyatli bitirgan.

U “Yil talabasi–2024” va 2025-yil tanlovining o‘z mutaxassisligi bo‘yicha “Eng bilimdon talaba” nominatsiyasida faxrli 2-o‘rinni qo‘lga kiritgan va Samarqand davlat universitetining top iqtidorli 100 talabasi qatoridan joy olgan. U “Ilhom” mukofoti tanlovining universitet bosqichida 1-o‘rinni, respublika bosqichida esa faxrli 2-o‘rinni egallagan.

Uning hayotiy prinsipi ota-onasining umidi va ishonchidir. Farangiz bo‘sh vaqtida til o‘rganish bilan shug‘ullanadi. U ilm va izlanishda davom etishni rejalashtiradi. U o'z hayotida boshqalarga faqat yaxshi ta'sir ko'rsatishni xohlaydi.

Farangiz kelajakda ilmiy izlanishga davom etishni rejalashtiradi. U magistraturaga kirishni xohlaydi va o'z bilimlarini yanada kengaytirish uchun harakat qiladi. U boshqalarga til o‘rganish, maqola yozish va ijodkorlikda qatnashishni yoqtiradi.

Farangizning hozirgi yo‘li va kelajak maqsadlari o‘rta ta'limda erishgan yutuqlari bilan bog‘liq. U nafaqat o‘z bilimlarini oshirish, balki boshqalar uchun ilhom manbai bo‘lishga harakat qilmoqda. Uning bilim va ijodkorlikka bo‘lgan ishtiyoqi kelajakda katta muvaffaqiyatlarga olib kelishi mumkin.