ABDUXAKIMOV SHOHRUH ABROROVICH

Abduxakimov Shohruh Abrorjon o‘g‘li hozirgi vaqtda o‘z ta’limini O‘zbekiston jurnalistika va ommaviy kommunikatsiyalar universitetida davom ettirmoqda. U Samarqand viloyatidagi 18-ixtisoslashgan umumiy o‘rta ta’lim maktabini 2024-yilda muvaffaqiyatli tamomlagan. Shohruh bolalikdan o‘qish va bilim olishga katta qiziqish ko‘rsatgan. 1-sinfdan boshlab o‘zining faolligi bilan o‘qituvchilari va sinfdoshlari orasida maqtovga sazovor bo‘lgan. U o‘qish bilan birga sport va jamoatchilik muammolariga ham e’tibor qaratgan.

O‘zbekiston jurnalistika va ommaviy kommunikatsiyalar universitetida o‘qiy boshlaganidan so‘ng, Shohruh axborot xizmati va jamoatchilik bilan aloqalar (PR) sohasiga qiziqishi yanada ortgan. U universitetda turli tanlovlarda faol ishtirok etib kelmoqda. Buning natijasida, o‘zi o‘qiyotgan fakultetda bosh koordinator va yoshlar bilan ishlash bo‘yicha dekan maslahatchisi sifatida faoliyat yuritmoqda. Shohruh har doim o‘z bilimini oshirishga intiladi va o‘ziga qiziqarli ko‘nikmalarni o‘rganishga e’tibor qaratadi.

Shohruh sport musobaqalarida ishtirok etish orqali ko‘plab yutuqlarga erishgan. U 2026-yil 14-yanvarda Vatan himoyachilari kuni munosabati bilan og‘ir atletika musobaqasida 1-o‘rinni egallagan. Biroq uning yutuqlari faqatgina og‘ir atletikada emas; u voleybol va futbol musobaqalarida ham jamoasi bilan ko‘plab yutuvlar qo‘lga kiritgan. Shohruh shuningdek, Yangi O‘zbekiston talabalari olimpiadasining universitet saralash bosqichida yengil atletika turidan 1-o‘rinni egallab, hududiy bosqichga yo‘l olgan.

Shohruhning yozuv faoliyati ham e’tiborga molikdir. Hozirgacha uning 5 ga yaqin publitsistik maqolalari tuman va viloyat gazetalarida chop etilgan. Maqolalarda u asosan Ozod Sharafiddinovning hayoti va ijodi hamda zamonaviy yoshlarga bag‘ishlangan masalalarni ko‘taradi. Bu uning jamoatchilik bilan aloqalarda chuqur bilimga ega bo‘lishini ko‘rsatadi.

Shohruh hayotida eng katta ta’sir ko‘rsatgan shaxs – bu uning otasi. Otasi unga qat’iyat, mas’uliyat va hayotiy ko‘nikmalarni o‘rgatib o‘stirgan. U sport va yozuv faoliyatidan tashqari bo‘sh vaqtida yangi ko‘nikmalarni o‘rganish bilan shug‘ullanadi. Shuningdek, Shohruh doimo boshqalarga yordam berishga va o‘z bilimlarini ulashishga tayyor. Uning shiori: "Hayotning barcha sohalarida uyg‘unlikka intiling". Bu shior uni hamma muammolarni hal qilishda muvaffaqiyat tilaydi.

Shohruh kelajakda o‘zining oliy maqsadi sifatida jamiyatda o‘z o‘rnini topish va xalqqa foydali inson bo‘lishni, vazir yoki deputat bo‘lishni orzu qiladi. U insonlarga eng yaxshisini taqdim etish uchun imkoniyatlar izlash tarafdori. Shohruhning fikricha, orzular orzuligicha qolmasligi kerak, balki rejalashtirish orqali ularni amalga oshirish mumkin.

Shohruh Abduxakimov jamiyatda foydali va muhim rollarni o‘ynashga tayyor, doimo yaxshi inson bo‘lish va boshqalarga yordam berishdan charchamaydi. U kelajakda o‘ziga belgilagan maqsadlariga erishishda qat’iyatli, talabalik yillarini muvaffaqiyatli olib borish uchun barcha imkoniyatlaridan foydalanmoqda. Shuningdek, u o‘zining ijodiy faoliyatini rivojlantirib, yoshlar orasida o‘rnak bo‘lishga intilmoqda, so‘nggi natijalar ham shuni ko‘rsatmoqda.