Ahmadjonova Fotima Farhod Qizi

Fotima 2007-yil 30-aprelda Farg‘ona viloyati Bag‘dod tumanida tug‘ilgan. U bolalik davrida bobosi Ahmadjon Mamatqulovdan ilhomlanib, ingliz tiliga qiziqishi oshdi. Uning bobosi tumanida ingliz tili o‘qituvchisi bo‘lib, ko‘plab yoshlarni ta’lim bilan shug‘ullanishga rag‘batlantirgan.

U Erkin Vohidov nomidagi ijod maktabini tamomlagach, hozirda 2-kursda tahsil olmoqda. Fotima bu maktabda olingan bilimlar uni nafaqat tilni bilishga, balki ijodiy fikrlashga ham o‘rgatdi. U o‘z sohasida o‘z bilimlarini amalda qo‘llashga intilmoqda.

U ingliz tilidan dars berishni 1 yil oldin boshlagan va shundan buyon o‘z bilimlarini boshqalarga o‘rgatishdan zavq oladi. Keng qamrovli loyiha va tadbirlarda ishtirok etish orqali o‘z sohasida yuqori muvaffaqiyatlarga erishgan. 2025-yilda Hogwart Summer Research Camp’da qatnashib, ta’limiy tadqiqot olib borish ustida ishlagan. 2026-yilda WikiMarafon loyihasi doirasida o‘zbekcha Vikipediyani rivojlantirishga qaratilgan Wikisfera oromgohida qatnashdi.

U Ibrat Debate loyihasi doirasida Bag‘dod tumanida 300 dan ortiq yoshlarni jalb qilgan. Yoshlar ishlaridagi agentligi va Yevropa Ittifoqi loyihasida volontyorlik qilgan va hozirda ham ko‘plab loyihalarda faol ishtirok etadi. Shuningdek, Registon IELTS Grantini yutgan.

Shoir va yozuvchi bo'lgan bobosi Ahmadjon Mamatqulov o‘zi uchun juda katta ilhom manbai hisoblanadi. Bobosining o‘rgatgan darslari orqali Fotima ilm olishga va chet elda o‘qishga intilmoqda. U bobosi singari bilimli va izlanuvchan bo‘lishni, jamiyatda iz qoldirishni xohlaydi.

Fotimaning hayotiy prinsipi — “Do what you love, love what you do”. U buni o‘z faoliyatining asosi deb hisoblasa-da, hayotdagi vaqtincha qiyinchiliklardan qochmaslik kerakligini biladi. Bo'sh vaqtida turli janrdagi filmlarni tomosha qilishga, maqolalar o'qishga va tanqidchilarning fikrlarini o'rganishga qiziqadi.

Uning maqsadi ilm ortidan chet davlatlarda tahsil olish va sayohat qilishdir. Kelajakda ta’lim rivojida amalda o'zgarish kiritish istaklari mavjud.

Fotima Ahmadjonova o‘z sohasida kutilgan yutuqlarni qo‘lga kiritish uchun intiladi. O‘z maqsadlariga erishish uchun harakat qiladigan yosh mutaxassis sifatida, kelajakda ta’lim sohasida o‘z ta’sirini kuchaytirish niyatida.