Akbaraliyeva Zahroxon Tursunali Qizi

Akbaraliyeva Zahroxon Tursunali qizi bolalikdan kitob o‘qishga, yangi tillarni o‘rganishga qiziqish bildirdi. U Farg‘ona viloyatining Bag‘dod tumanida tug‘ilib, maktabni muvaffaqiyatli tamomlagandan so‘ng, Agrotexnologiyalar texnikumiga o‘qish uchun qabul qilindi. Texnikumni tamomlagandan so‘ng, 2025-yildan boshlab, Farg‘ona davlat universitetida Filologiya va tillarni o‘qitish: ingliz tili yo‘nalishida ta’lim olishni davom ettirmoqda. Bu davr ichida Zahroxon ingliz tilini o‘rganishga katta e’tibor qaratdi, chunki u o‘z kelajagini xorijda davom ettirishni maqsad qilib qo‘ygan.

Zahroxon Akbaraliyeva o‘z faoliyati davomida ko‘plab yutuqlarga erishdi. Uning maqolalari Google Scholar platformasida joylashgan, bu esa uning ilmiy faoliyatini yuqori baholaydi. Bundan tashqari, u "Jadidlar faxri" loyihasida ishtirok etib, 1-, 2- va 3-darajali diplomlar bilan taqdirlangan. Bu muvaffaqiyatlar uning jamoatchilik faoliyatidagi o‘rni va ilmiy izlanishlarga bo‘lgan qiziqishini namoyish etadi.

Zahroxon bo‘sh vaqtida kitob o‘qish, yangi tillarni o‘rganish va maqolalar yozish bilan shug‘ullanadi. U, shuningdek, volontyorlik faoliyoti bilan ham mashg‘ul. Akbaraliyeva turli madaniyatlarni kashf etish, hayotning oddiy narsalaridan ilhom olish va mobilografiyaga qiziqadi. U tabiat manzaralarini rasmga olib, ularni ijtimoiy tarmoqda baham ko‘radi. Bu qiziqishlar uning ijodiy shaxs sifatida shakllanishiga yordam bermoqda.

Zahroxon Akbaraliva kelajakda o‘z sohasi mutaxassisi bo‘lish, xorijda ta’lim olish va dunyoqarashini kengaytirish niyatida. Uning eng katta orzularidan biri ota-onasini faxrlantirish, mustaqil va kuchli shaxs bo‘lish hamda jamiyatga foyda keltirishdir. U har kuni o‘z maqsadlariga erishish uchun bilim olishga va o‘z ustida ishlashga intiladi.

Zahroxon Akbaraliyeva o‘z yoshiga qaramay, bilimga bo‘lgan qiziqishi va faoliyatlari bilan ko‘plab yoshlarning ilhom manbai bo‘lib kelmoqda. U nafaqat o‘zining kelajagi uchun, balki jamiyat rivoji uchun ham qimmatli xizmatlar ko‘rsatishga tayyor. U o‘z shiorida belgilanganidek: "Har kuni kechagidan yaxshiroq bo‘lishga intil" tamoyilini hayotga tadbiq etish orqali o‘z yo‘lida davom etadi.