Allamurotva Aziza Akbar Qizi

Aziza Qumqo‘rg‘on tumanida tug‘ilib, o'smiri davomida odatiy maktabda o‘qidi. U maktabi muhitidan ko‘ngli to'lmay, ixtisoslashtirilgan maktabda o‘qishni xohladi. Ta'kidlashicha, eski maktabidagi muhit unga salbiy ta'sir ko‘rsatgan. Biroq, yangi ixtisoslashtirilgan maktab ochilgani va boshqa do'sti bunga tayyorlanayotganini bilib, o'z iqtidorini kengaytirish uchun qiziqishi oshgan. Aziza yangi o‘quv muhitida o‘zini ko‘rsatishga intilib, tinimsiz mehnat qildi. Bu jarayonda u ustozlari orasida a'lochi sifatida tanilgan va sinf sardori bo'lgan.

Aziza o'zining akademik faoliyatini davom ettirib, Jahon iqtisodiyoti va diplomatiya universitetining 1-kurs talabasi bo'lib, xalqaro munosabatlar sohasida bilim olmokda. U tarix fanidan 4 oy ichida A natijasini qo'lga kiritdi va IELTS testidan 6.5 ball to'pladi. Shuningdek, ona tili fanidan B sertifikatiga ham ega. O'zining harakatlari bilan universitetdagi Students Union Council ga a'zo bo'lib, Initial Growth metodik seminarida ham qatnashgan. Bular uning ta'lim tomonida erishgan muhim yutuqlari hisoblanadi.

Aziza o‘zining shiorini «Tartib eng muhimi!» deb belgilaydi. U tartib qoidalariga amal qilib darsini tugatganida o‘zini baxtli his qiladi. O'zi bo'sh vaqtida foydali videolar ko'rish, kundalik yozish va rasm chizish bilan shug'ullanadi. U rahbarlik to'g‘risida o'z fikrini bildirishda, eng muhim fazilat odamlarni boshqara olishdir, deb ta'kidlaydi. U, shuningdek, vaqtni to'g'ri taqsimlash muhimligini tushunadi.

Aziza universitetni bitirgach, chet elda magistraturada o'qish va shuningdek, elchi bo'lishni maqsad qilgan. U universitetdagi eng yaxshi klublarga qo'shilish va 2-kursdan almashinuv dasturlarida qatnashishni rejalashtirgan. O'zining eng yaxshi versiyasiga aylanishni istadi.

Uning fikricha, boshqalar undan tartibni va har qanday holatga moslasha olish qobiliyatini o‘rganishlari mumkin. Aziza shuni ta'kidlaydi: "Bir paytlar orzu qilgan joyingda hozir yashayapsan. Endi esa shu joyga loyiq bo'lish uchun emas — o‘zing tasavvur qilgan inson bo'lish uchun harakat qil." Bu uning yoshlarga bo‘lgan samimiy motivatsiyasini ifodalaydi.

Allamurotva Aziza Akbar qizi hali o'z yo'lini boshlasada, o'ziga xos intilchiligi bilan kelajakda ham o'zini isbotlaydigan iqtidorli yosh faoliyatiga tayyor, o'z qarashlari, va maqsadlari bilan jamiyatga hissa qo‘shishni istaydi. U ko'p narsalarni amalga oshirishi mumkin bo'lgan shaxs, o'zini o'zgartirish va takomillashtirish yo'lida davom etadi.