Arziqulova Rushana Fayozovna

Rushana Arziqulova Navoiy viloyati Qiziltepa tumanidagi 1-sonli maktabda o'qidi. Maktabda o'qish davrida ingliz tili, ona tili, matematika va tarix fanlarida yaxshi natijalarga erishib, 4 ta sertifikatga sazovor bo'ldi. Maktabda qiziqishlari ko'p bo'lib, ta'lim olishi davomida har doim faol ishtirok etdi.

Hozirgi kunda Rushana Toshkent davlat yuridik universitetining Xalqaro huquq va qiyosiy huquqshunoslik fakultetining 2-kurs talabasi sifatida tahsil olmoqda. Universitetda u advokaturada amaliyot o'tamoqda. Bu sohani tanlashda uning otasi katta ta'sir ko'rsatdi, chunki otasi ham yuridik sohada faoliyat yuritadi va bu Rushanaga doimo ilhom beradi. Rushana bu sohada chuqur bilim olishga intiladi va o'z kasbini sevadi.

Rushana universitetdagi tadbirlar va loyihalarda faol ishtirok etadi. U G‘afur G‘ulom, Hojiakbar Rahmonqulov va boshqa tanlovlarda 1- va 2-o'rinlar bilan taqdirlangan. Shuningdek, Qomus klubida koordinator sifatida va Tsul Mediada, Talabalar Assotsiatsiyasi Mediasida face, IT club hamda TSUL FMda volontyor sifatida faoliyat yuritadi. Bu unga jamoaviy ishlash va liderlik ko'nikmalarini rivojlantirish imkonini beradi.

Rushana yozish va o'qishni yaxshi ko'radi. Bo'sh vaqtlarida u chet tillarini o'rganishga ko'p e'tibor beradi. Hozirda ingliz, turk va tojik tillarini biladi, shuningdek, koreys tilini o'rganmoqda. Bu bilimlari ishlash jarayonida unga yordam beradi.

Rushana, o'z nazarida, liderlikda jamoa bilan muloqot qilish va fikrlarini inobatga olish muhimligi haqida gapiradi. U jamoa a'zolari bilan muloqot qilish va murosa qilishni biladi. Unga ko'ra, liderlikning asosiy ko'nikmalari orasida tashabbuskorlik ham bor.

Rushana kelajakda adolatli prokuror bo'lishni orzu qiladi. U qonunchilikni va insonlarning huquq va manfaatlarini himoya qilishda muhim rol o'ynashni istaydi. Bu yo'nalishda chuqur bilimga ega bo'lish va amaliyotda o'zini namoyon etish niyatida.

Rushana Arziqulova kelajakdagi maqsadlariga erishish uchun katta mehnat va qiziqish bilan harakat qilmoqda. U yuridik sohada o'z o'rnini topishga intilmoqda va jamiyatga foyda keltirishni o'z hissasi sifatida ko'radi. Uning hayoti va faoliyati shuni ko'rsatadiki, maktab davridagi ta'limi va oilaning yordami u uchun muhim ahamiyatga ega.