Baxshilloyeva Nigina Bahodir Qizi

Baxshilloyeva Nigina Bahodir qizi, Buxoro viloyati Peshku tumani Ibn Sino MFY Avdane qishlog‘ida tug‘ilib, bu yerda o'zining dastlabki ta'lim yillarini o'tkazgan. Bolaligidanoq ta’lim muhitida o'sganiga ko‘ra, uning ota-onasi va bobo-buvilari o'qituvchi sifatida faoliyat yuritgan. Shuning natijasida u ta'limga bo'lgan qiziqishini rivojlantirish imkoniyatiga ega bo'ldi. Maktabda ingliz tili, ona tili va matematika fanlarida muvaffaqiyatli bo'lib, tengdoshlari va kichik o'quvchilarga dars berishda pedagogik tajribalarini to'play boshladi. Bu uning kelajakdagi ta'lim sohasidagi faoliyatiga tayyorgarlik ko'rishga yordam berdi.

O‘zbekiston davlat jahon tillari universitetida Filologiya va tillarni o‘qitish, ingliz tili yo‘nalishida tahsil olmoqda. U o'z bilimini yanada oshirishda davom etmoqda va talabalik davrida ingliz tili bo'yicha turli tanlovlarda qatnashib, bu magnetda qiziqishlarini yanada kuchaytirmoqda. Nigina IELTS imtihonidan 7.5 ball, jumladan Listening bo‘limidan 8.5 va Reading bo‘limidan 8.0 ball to‘pladi. U CEFR bo‘yicha C1 darajasini, shuningdek, milliy o'quv sertifikatlaridan turli darajalarda yutuqlarga erishdi.

Nigina peshqadamlik va ijodkorlikda ham yuqori natijalarga erishdi. U “Ingliz tili bilimdoni – 2024” tanlovida 1-o'rinni egallagan, shuningdek, UBS fan olimpiadasida ingliz tili fanidan sovrindor bo'lgan. U American Councils for International Education tomonidan IT Park University bilan hamkorlikda tashkil etilgan “English for IT Summer Camp 2025” dasturiga ham qabul qilingan. Bu dasturning davomida u ingliz tili, IT va liderlik bo‘yicha treninglarda ishtirok etdi va o'z bilimini yanada kengaytirmoqda.

Nigina ijodiy fikrlash va yozuvchilik faoliyatida ham muhim yutuqlarga erishgan. U “Yil hikoyasi” ko‘rik-tanlovida qatnashib, yuqori o‘rinlarni egallagan, shuningdek, “Breaking the Silence: A Girl’s Story” nomli motivatsion hikoyasi Synchronized Chaos jurnalida onlayn nashr qilingan. U bo'sh vaqtida ingliz tilida speaking ko‘nikmalarini rivojlantirishga yordam beruvchi speaking club faoliyatini olib bormoqda.

Nigina kelajakda ta’lim sohasida o‘z o‘rnini topish va avlodlar tarbiyasiga hissa qo'shishni maqsad qilmoqda. Uning rejalari orasida xalqaro ta’lim dasturlarida qatnashish, xorijda tahsil olish va turli mamlakatlarning ta’lim tajribasini o‘rganish mavjud. Shuningdek, Nigina o‘rganilgan bilimlarni O‘zbekistondagi yoshlar bilan bo‘lishishni niyat qilmoqda.

Nigina hayotiy shiori: “The life you dream of is built by the choices you make every day”. U har doim o'z tanlovlari va harakatlarini, kelajakdagi rejalari bilan bog'lashi kerakligini biladi. Uning fikricha, katta natijalar har kuni qilinadigan kichik tanlovlar orqali shakllanadi. Shu bilan birga, u boshqalarga o'z orzularidan qaytmaslik va har kun yaxshilanishga intilishlarini tavsiya qilmoqda.

Baxshilloyeva Nigina Bahodir qizi, o'zining bolalikdagi qiziqishi va o'qituvchilikka bo'lgan mehnatsevarligi bilan ta'lim sohasida o'z o'rnini topishga intilmokda. U o'z xohishlariga va orzulariga erishish yo'lida izchil harakat qilishni maqsad qilgan, bu orada esa ertaga kelajak avlodlar uchun foydali inson bo'lishni xohlaydi.