Baxtiyorova Jasmina Doniyor Qizi

Jasmina o‘zining ta'limini 1-sinfdan boshlagan, dastlab Farg‘ona shahridagi 24-sonli rus maktabida, keyinchalik esa Qoraqalpog‘iston Respublikasi Qo‘ng‘irot tumani Aqsholaq posyolkasidagi rus maktabida o‘qigan. Ta'lim moyingini davom ettirib, 6-sinfda Qo‘ng‘irot tumani ixtisoslashtirilgan maktab-internatida tahsil olgan. 7-sinfdan boshlab esa Xorazm viloyati Xonqa tumani ixtisoslashtirilgan maktabida o‘qishni davom ettirgan. Hozirda matematika va ingliz tili yo‘nalishida tahsil olmoqda va SAT xalqaro imtihoniga tayyorgarlik ko‘rish bilan band.

Jasmina 2025-yilda IELTS xalqaro sertifikatidan 6.5 daraja olgan. Uning natijalari: Listening – 6.5, Reading – 7.5, Writing – 6.0, Speaking – 6.5. Shuningdek, u maktabida Open Minds va Khanka MUN loyihalariga asos solgan. Ushbu loyihalar orqali u o‘zida liderlik fazilatlarini rivojlantirib, jamiyatda ijtimoiy faollik ko‘rsatishga intilmoqda.

Jasmina hayotida ota-onasi katta ta’sir ko‘rsatgan: ular doimo uning ta’limiga e’tibor qaratishgan va 5 yoshidan rus tili to‘garaklariga qatnashishga yo‘naltirishgan. Ota-onasining qo‘llab-quvvatlashi tufayli hozirda u rus va ingliz tillarida ravon so‘zlashni biladi. Jasmina bularni ota-onasi ta'sirini ustuvor deb hisoblaydi.

U bo‘sh vaqtida ingliz va rus tillarida kitob va maqolalar o‘qishga, shuningdek, psixologiya, nevrologiya, sun’iy intellekt, xalqaro munosabatlar va tilshunoslik kabi sohalarga qiziqadi. U odatlar va miya qanday o‘zgarishini tushunish uchun rivojlanishga oid kitoblarni o‘qiydi, shuningdek, kutilmagan burilishlarga boy hikoyalar bilan tanishishni yaxshi ko‘radi.

Jasmina liderlikda mas’uliyatni eng muhim fazilat deb biladi. Unga ko‘ra, haqiqiy lider natija va xatolar uchun javobgarlikni o‘z zimmasiga oladi, boshqalarni ayblamaydi va xatolaridan saboq chiqaradi. Muvaffaqiyatsizliklarni yashirmasdan, ularni tahlil qilish, mas’uliyatni o‘z zimmasiga olish va qadam-baqadam rivojlanishga intiladi. Boshqalarga esa, intizom va xatolarga munosabatni o‘rganishlarini tavsiya etadi.

U kelajakda SAT xalqaro imtihonidan 1500+ ball olish, IELTS sertifikatini yangilab yuqori ball olishni va TOP universitetlarga hujjat topshirishni maqsad qilgan. Jasmina ta’lim darajasini oshirish va professional rivojlanishga erishish uchun harakat qilib, o‘ziga yuqori maqsadlar qo‘ygan.

Jasmina Baxtiyorova ta'limi orqali erishayotgan muvaffaqiyatlari va ijtimoiy loyihalarda faolligi bilan o'z yoshlariga ilhomlantiradigan bir shaxs sifatida ko'rinmoqda. U kelajakda yanada ko'proq yutuqlarga erishishni va o'z maqsadlari sari intilishni davom ettirishni rejalashtirmoqda.