Bozorova Munisabonu Sherzodovna

Uning ona tili va ingliz tili fanlariga qiziqishi maktab yillaridayoq shakllangan. U ikki yil davomida ushbu fanlardan qo‘shimcha mashg‘ulotlarda qatnashib, bilim va ko‘nikmalarini mustahkamlagan. Bu davr uning fanlarga qiziqishi, izlanish va o‘rganishga bo‘lgan intilishini yanada kuchaytirgan.

Maktab yillarida Munisabonu ona tili fanidan bir qator natijalarga erishgan. U 10-sinfda ona tili fanidan milliy sertifikatni qo‘lga kiritgan hamda shu fan bo‘yicha olimpiadaning tuman bosqichida 3-o‘rinni egallagan. 11-sinfda esa ona tili fanidan olimpiadaning tuman bosqichida 1-o‘rinni qo‘lga kiritgan.

Talabalik davrida ham ilmiy izlanishlarga qiziqishini davom ettirib, 1-kursda ikkita ilmiy maqolasini chop ettirgan. Bu maqolalar uning ilmiy faoliyatidagi dastlabki qadamlar bo'lib, kelgusida yangi izlanishlar olib borish va ilmiy ishlarini yanada rivojlantirishga bo'lgan ishtiyoqini kuchaytirgan.

Uning hayotiga eng katta ta’sir ko‘rsatgan insonlar ota-onasi va maktabdagi sinf rahbaridir. Ota-onasining mehnati, duosi va qo‘llab-quvvatlashi, shuningdek, ustozlarining bilim va hayotiy saboqlari uni o‘z ustida ishlashga, bilim olishga hamda kelajakda munosib inson bo‘lishga undaydi.

Munisabonuning hayotiy shiori: “Hayot menga nima bersa ham, men undan o‘zim istagan hayotni yarataman.” U qiyin vaziyatlarda taslim bo‘lmaslikka, o‘z kuchi bilan yo‘lini topishga intiladi.

Bo‘sh vaqtida u kitob o‘qiydi, yangi bilimlarni o‘rganadi, o‘z ustida ishlaydi, musiqa tinglaydi, yaqinlari bilan vaqt o‘tkazadi va ba’zan sayr qilib, fikrlarini tartibga soladi.

Uning fikricha, lider bo‘lish uchun eng muhim fazilat — mas’uliyatni o‘z zimmasiga ola bilishdir. U haqiqiy lider nafaqat boshqalarga yo‘l ko‘rsatadi, balki zarur paytda mas’uliyatni o‘z zimmasiga oladi.

Uning kelajakdagi asosiy maqsadi — ingliz tilini mukammal egallab, o‘z sohasining kuchli mutaxassisi bo‘lishdir. U xalqaro darajada ishlash va ota-onasining mehnatini oqlashni mo‘ljallamoqda.

Har bir yosh o‘z orzusiga ishonishi va qiyinchiliklar oldida taslim bo‘lmasligi kerak. U ilm olish yo‘lida bir necha bor muvaffaqiyatsizliklarga uchragan, ammo bu uni to‘xtatmagan.

U nafaqat o'z o'rnida, balki jamiyatda muvaffaqiyatli inson bo'lishni orzu qiladi. Munisabonu uchun asosiy maqsadlar bilim olish, rivojlanish va jamiyatga foydalilikdir. U har bir yoshga qurbonlik va mehnat orqali maqsadga erishish mumkinligini ko'rsatmoqda.