Chinpõlatova Gulmira Abdushukur Qizi

Gulmira bolaligidanoq yuqori baholar olishga qiziqqan. U boshlang‘ich sinflarda 3, 4 va 5 baholar olganligini eslaydi va ayniqsa, barcha fanlarni 5 bahoga yakunlab, faxriy yorliq olgan sinfdoshlariga havas qilganini aytadi. Ushbu tajriba unga kelajakda yuqori daraja olishda motivatsiya bergan.

U 9-sinfdan boshlab qo‘shimcha mashg‘ulotlarga qatnasha boshlagan. Dastlab matematika mashg‘ulotlariga qatnashgan bo‘lib, matematikani juda yaxshi ko‘rishini ta'kidladi. U o‘qish jarayonida yuqori natijalarga erishish uchun doimo yanada ko‘proq harakat qilgan.

Gulmira hozircha 3 ta fandan sertifikatga ega: ingliz tilidan B2 darajasi, matematikadan 94.26% va tarix fanidan 84.6% ball to‘plagan. Shuningdek, DTM (Test Markazi) sinovida 183.7 ball to‘plagan va ona tilidan savollarining 10 tasidan 10 tasini to‘g‘ri ishlagan.

U boshlang‘ich sinflardan boshlab boshqa sinfdoshlariga havas qilganini aytadi va o‘zining past baholarini ko‘rib, shunday qarorga kelgan: “Meni ulardan nima kam joyim bor, odam qilgan ishni odam qiladi.” Ushbu fikrlar uning intilishlarida alohida rol o‘ynagan.

Gulmira bo‘sh vaqtida kitob o‘qish va til o‘rganish uchun kurslarga borishga intiladi. U shaxsiy rivojlanishiga katta e'tibor qaratadi, bu orqali o‘zi uchun yangi imkoniyatlarni ochadi.

Uning hayotiy shiori: “Bugun orzu, ertaga harakat, kelajakda buyuk natija.” Bu shior unga har bir kunda maqsad sari harakat qilishga undaydi.

Gulmira kelajakda BMTda bosh vazir bo‘lishni orzu qiladi. U jahon iqtisodiyoti va xalqaro munosabatlar sohasidagi bilimlarini kengaytirish va ziddiyatlarni hal etishda o'z hissasini qo'shishni maqsad qiladi.

Uning fikricha, lider bo‘lish uchun eng muhim fazilat intizomli bo‘lishdir. U boshqa yoshlarni o‘rganish va o‘z imkoniyatlarini kengaytirishga undaydi, bu orqali kelajakda muvaffaqiyat qozonishga yordam beradi.

Yoshlik — vaqtni behuda sarflash emas, kelajakni bunyod etish davridir. Boshqalar dam olayotganda o‘z ustingda ishla, shunda bugungi mehnating ertangi buyukligingga aylanadi! 💪

Gulmira o'zining intizomi va bilimga bo'lgan qiziqishi bilan kelajakda katta yutuqlarga erishishga tayyor. U nafaqat o'z maqsadlariga erishishni, balki boshqalar uchun motivatsiya manbai bo‘lishni maqsad qilgan, bu orqali jamoatchilikda ham ijobiy o‘zgarishlarni keltirib chiqarishi mumkin.