Erkinova Mahliyo Ulug'bek Qizi

Mahliyoning bolaligi Hazora qishlog'ida o’tgan. Ota-onasi meni ijodkorlikka undab, har doim qo’llab-quvvatladilar va qiziqishlarim rivojlanishi uchun barcha imkoniyatlarni yaratib berishdi. Ushbu muhitning ta'siri uning ijodiy qobiliyatining dastlabki poydevorini yaratdi. Onasi o‘n yil davomida maktab direktori sifatida faoliyat olib borgan, bu esa Mahliyo uchun ilhomlantiruvchi omil bo‘ldi. Onasi o‘zi orqali ayol kishi ham yuqori marralarga erisha olishini boshqalarga namuna ko‘rsatdi, bu esa Mahliyoning o‘zida bir mas'uliyat hissini shakllantirdi.

Mahliyo Buxoro davlat texnika universitetining libos va gazlama dizayni yoʻnalishida 1-o‘rin davlat granti asosida o‘qishga qabul qilingan. U bu grantni saqlab qolish uchun juda ko'p mehnat qiladi va o'z bilimini yuqori baholarga erishish orqali tasdiqlaydi. Mahliyo talabalik davrida turli ijodiy tanlovlarda ishtirok etib, bir qator diplom va sertifikatlarni qo‘lga kiritmoqda.

U bo‘sh vaqtida kitob o‘qish, rasmlar chizish, milliy taqinchoqlar yasash va yangi dizaynlar yaratadi. Mahliyo shuningdek, pazandachilik va turli pishiriqlar tayyorlash bilan shug‘ullanadi, bu esa uning ijodkorligini yana-da rivojlantirishda qo'lda bo'ladi. Yangi g'oyalar ustida ishlash uning vaqtini samaradoriga o'tkazishning muhim qismidir.

Uning fikricha, lider bo‘lish uchun mas'uliyat, qat’iyat, o‘ziga ishonch va kuchli iroda zarur. Haqiqiy lider boshqalarga namuna bo‘la olishi, ularni tinglashi va qo‘llab-quvvatlashi zarur. U doimo o‘z ustida ishlashga intiladi va rahbarlik fazilatlarini rivojlantirishga harakat qiladi.

Mahliyoning kelajakdagi eng katta orzusi o‘z atelyesini ochish va yirik moda brendiga aylantirishdir. U o'zbek milliy kiyimlari, atlas va adras matolarining go'zalligini global moda sahnasida namoyish etish, milliy qadriyatlarni tanitish va ko'p xotin-qizlarni ish bilan ta'minlashni maqsad qilgan.

Mahliyo yoshlar uchun o‘z orzulariga ishonish, maqsadlariga intilish va hech qachon izlanishdan to‘xtamaslik haqida maslahat beradi. Unga ko‘ra, har bir imkoniyatdan foydalanish zarur, shuningdek, xatolardan qo‘rqmaslik va o‘z ustida ishlash muhimdir. Bu fikrlar uning hayotiy prinsipiga ham mutlaqo mos keladi: "Har bir katta yutuq kichik bir qadamdan boshlanadi."

Mahliyo o'z orzularini amalga oshirish uchun tinimsiz harakat qilmoqda. U kelajakda o'z atelyesini ochish, milliy moda brendini yaratish va shu orqali ko'plab yoshlarni ilhomlantirish niyatida. U o'zining qobiliyatlari va ijtimoiy faolligi orqali o'zbek modasini yurt ichida va undan tashqarida tanitish uchun doimo izlanishda.