Fayziyeva Zarina Jamshidovna

Zarina bolaligidanoq ilmga qiziqishi va o'qishga bo'lgan ishtiyoqi bilan ajralib turadi. Ota-onasi hamisha bilim olish va rivojlanish maqsadida harakat qilishga undagan. Uning bolaligidagi ta'lim jarayoni Navoiy shahrida joylashgan maktabda davom etgan, bu yerda u matematika va boshqa fanlarda yuqori o'zlashtirishga erishgan. Zarina 11-sinfda shahar bosqichi olimpiadasida matematika fanidan 1-o‘rinni egallagan, bu uning intilishlaridagi katta qadam bo'lgan.

Zarina yoshligidan turli jamoalarda faol ishtirok etib kelmoqda. U support teacher sifatida matematika fanidan toʼrtinchi kurs oʼquvchilariga bilim berib, ularga darslarni mustahkamlashda yordam bergan. Bir yilda 500 dan ortiq o'quvchilarni ta'lim jarayoni bilan qamrab olgan. U faqat bilim berish bilan cheklanib qolmasdan, o'zida liderlik tomonidan ko'nikmalarni ham rivojlantiradi va bu yo'lda jamoaviy faoliyatni ustuvor deb biladi. Shuningdek, u bir necha ijtimoiy va ta'limiy loyihalarda volontyor sifatida faol ishtirok etgan.

Hozirda Zarina UWEDning 1-kursida xalqaro iqtisodiyot va menejment yo'nalishida tahsil olmoqda. U universitetda turli tadbirlarda qatnashib, o'z bilim yordamida nafaqat o'z rivojlanishini, balki jamiyatda ham ijobiy o'zgarishlar qilishga harakat qilmoqda. Universitet ta'lim jarayonida o'zida yangiliklarni o'zlashtirib, yangi loyihalar yaratish va jamoada ishlash sohasida tajriba orttirishga intiladi.

Hayoti davomida Zarina ota-onasi va ustozlarining ta'sirini har doim his qilib kelgan. Ularning yordami bilan ishonchni rivojlantirib, harakat qilishga undangan. Uning shiori shunday: "O‘rganishdan to‘xtama, o‘sishdan qo‘rqma va boshqalarga foyda keltir." U liderlikni boshqarish emas, balki boshqalarga ijobiy ta’sir ko‘rsatish sifatida tushunadi.

Zarina bo'sh vaqtida kitob o'qish, mazmunli filmlar tomosha qilish va ochiq havoda sayr qilishni sevadi. U kitoblar va filmlar orqali yangi fikrlar olishga, sayr qilib esa, fikrlarini jamlash va dam olishga harakat qilmoqda. Zarina o'z qiziqishlari orqali dunyoqarashini kengaytiradi va hayotga yangicha nazar bilan qaraydi.

Zarina kelajakda o'z sohasida professional mutaxassis bo'lishni, doimiy rivojlanish va bilimlari yordamida jamiyat taraqqiyotiga hissa qo'shishni maqsad qilgan. U o'zida qat'iyat, mas'uliyat va bilimlarini boshqalar bilan bo'lishish niyatida. Uning fikricha, har qanday maqsadga harakat va izlanish orqali erishish mumkin va jamiyat uchun foydali inson bo'lish har bir kishining burchidir.

Zarina bugungi kunda o'z maqsadlariga intilish yo'lida harakat qilmoqda. U yoshlar o'rtasida liderlik va ijtimoiy faoliyatni rivojlantirish, o'z bilimlarini yanada oshirish va mamlakat taraqqiyotida o'z hissasini qo'shishga tayyor. U kelajakda faqat o'zi uchun emas, balki jamiyat va atrofidagilar uchun ham hayotini foydali qilib o'tkazishga intiladi.