Halimova Mehrangiz Abdumajid qizi

Halimova Mehrangiz Abdumajid qizi Buxoro viloyati Shofirkon tumanida, 2002-yil 16-martda tug‘ilgan. U bolalikdan beri o'qishga bo'lgan qiziqish bilan tanilgan. Mehrangiz maktabga borishni orziqib kutgan, doimo yangi bilimlarga intiluvchan edi. Maktabda o'z qobiliyatlarini rivojlantirish, turli fanlarni o'rganish jarayonida do'stlari tomonidan e'tirof etildi va ko'plab musobaqalarda ishtirok etdi. Maktabni tamomlagach, o'zining yuqori natijalari bilan respublika oliy o'quv yurtlaridan birida ta'lim davom ettirish imkoniyatiga ega bo'ldi.

U Buxoro davlat universitetida tahsil olib, axborot texnologiyalari sohasida o'qigan. Talaba sifatida o'zining ilmiy faoliyatini boshlagan. 2022-yilda 4-kurs bakalavr talabasi sifatida universitetda kabinet mudiri lavozimida faoliyatini boshlagan. Bu, uning rahbarlik qobiliyatlarini rivojlantirishda va boshqa talabalar bilan ish olib borishda katta tajriba berdi. Mehrangiz ta'lim olib borish jarayonida ko'plab seminarlarda ishtirok etgan va o'z bilimlarini oshirishga harakat qilgan.

Buxoro davlat universitetida tahsil olayotgan payti, Mehrangiz 10 dan ortiq maqola muallifi bo'lgan, shulardan biri Scopus konferensiyasida chop etilgan. U axborot texnologiyalari sohasida ko'plab seminarlarda ishtirok etgan, shuningdek, turli xil monografiyalarga ega. U turk tilidan B2 darajadagi milliy sertifikatga ham ega va Innoweekwomen 2025 ishtirokchisi, Robosmart.uz milliy loyihasi a'zosi sifatida ham faoliyat yuritadi.

Mehrangiz yoshlar ittifoqida aktiv ishtirok etib, maktabda 4 yil davomida Yoshlar ittifoqi maktab sardori, universitetda esa 3 yil davomida fakultet Yoshlar ittifoqi yetakchisi bo'lgan. Bu davrda u ko'plab ijtimoiy loyihalarda ishtirok etgan, yoshlarga yordam berish va ularni erkin fikrlarni ifoda etishga rag'batlantirishda o'z hissasini qo'shgan. Uning oila a’zolari doimo o‘qish jarayonida unga yordam berishgan, bu uning liderlik sifatlarini yanada rivojlantirishda muhim ahamiyatga ega bo'lgan.

U o'z hayotida ko'plab qiyinchiliklarga duch kelgan, ammo har doim o'ziga ishonch bilan yondoshgan. Uning hayotiy shiori: «Ilmdan ko‘ngilga bir shu’la tushgan on, shunda bilursanki, ilm bepoyon!» u o'z maqsadlariga erishishida harakat qiladi. Kelajakda PhD, DSC, professor va akademik darajalarga erishishni, o'zidan keyingi avlodga bilim qoldirishni maqsad qilgan.

Halimova Mehrangiz Abdumajid qizi kelajakda boshqalarga o'z maqsadlariga erishishda yordam berish va ilhomlantirish maqsadida o'z bilim va tajribalarini oshirishda davom etadi. U o'zining qizg'in ruhiyati, o'ziga bo'lgan ishonchi bilan nafaqat o'z yo'lida, balki atrofidagilarni ham ulg'aytirishga harakat qiladi.