Hamroqulova Zilola Sherali Qizi

Zilola 7-sinfdan boshlab yozuvchilik faoliyatini boshlagan. U maqola yazish va loyihalarda qatnashishni boshlagach, o'z ijodini namoyon qila boshladi. O'rta ta'limni 9 yil davomida davom ettirib, keyinchalik Navoiy davlat konchilik va texnologiyalar universiteti qoshidagi akademik litseyida Xorijiy filologiya yo‘nalishi bo‘yicha ta’lim olgan. Boshqa mamlakatlarning tillarini o‘rganishga qiziqish hamda ularni yaxshi o'zlashtirish orqali akademik yutuqlarga erishgan.

Zilolaning ijodiy yutuqlaridan biri, 7-sinfidan boshlab uning she’rlari tuman va viloyat gazetalarida bosilgan. 10-sinfdan boshlab maqola, she’r va tezislari Germaniya, Buyuk Britaniya, Turkiya, Hindiston kabi 10 lab davlatlarning nufuzli jurnallarida chop etilgandir. Shuningdek, 9-sinfda nemis tili bo‘yicha Respublika fan olimpiadalarida 1–2-o‘rinlarni egallashda muvaffaqiyat qozonib, shashka bo‘yicha 1-o‘rinni olgan.

Zilola o'z faoliyatlarini volontyorlik sohasida kengaytirdi. O‘zbekistonda tashkil etilgan turli volontyorlik tashkilotlarida koordinator sifatida faoliyat yuritayotgan bo‘lib, Milliy tiklanish partiyasi va Yoshlar parlamenti faollaridan biridir. U o'z tajribasi va bilimlarini boshqalar bilan baham ko'rish uchun turli kichik loyihalar ham tashkil qilmoqda.

Zilolaning kelajakdagi rejalaridan biri Germaniyada magistratura ta’limini davom ettirishdir. U yerdagi ta’lim tizimini o‘rganib, O‘zbekistonda qo‘llash yo‘llarini ishlab chiqmoqchi. Shuningdek, Germaniyaning Toshkentdagi elchixonasida ishlash hamda Nurota tumanining kashta madaniyatini boshqalarga tanitishni maqsad qilgan.

U o'z hayotidagi eng katta g‘alabani, bugungi o‘zidan kechagi o‘ziga qaraganda bir qadam oldinda bo‘lishi sifatida ta’riflaydi. Zilola o‘z orzulariga erishish uchun faqat ularga munosib insonga aylanish uchun harakat qilishni maqsad qilgan. U boshqalarga, o‘z orzularini shubhalar bilan emas, o‘z imkoniyatlari va mehnati bilan o‘lchashni maslahat qiladi. Boshqalarga tajriba orttirish va muammolarni hal qilganlikda qiyinchiliklardan to‘xtamagan holda, bilmagan narsalarini so‘rashga uyalmaslikni o‘rgatmoqchi.

Hamroqulova Zilola Sherali qizi o'z maqsadlariga erishishda davom qilib, bilim va tajriba orttirish uchun doimiy harakatda. U o'zining ijodiy faoliyati va volontyorlik ishlarida ko'rsatgan avangard ruxi bilan jamiyatga katta foyda keltirish maqsadida mehnat qiladi. U kelajakda yanada katta yutuqlarga erishib, o'z nigohini, tajribasini va bilimini boshqalar bilan bo'lishishni davom ettiradi.