Liderlar ensiklopediyasi
TrilingualGrant sohibasi · Yosh pedagog · Mualliflik faoliyati
Promo kod
Izzatillayeva taklifi bilan ariza →Umumiy reyting
#597
Reyting balli
11.6ball
Ko‘rishlar
58
Izzatillayeva Ruxshona Qodirjon qizi 2008-yil 16-yanvar kuni Namangan shahrida tug‘ilgan. Hozirda Namangan viloyati, Uychi tumanida yashaydi va Namangan davlat chet tillari institutining Xorijiy til va adabiyoti (ingliz tili) yo‘nalishi talabasi
Ruxshona bolaligidan ta’lim va bilimga katta qiziqish ko'rsatgan. U Namangan viloyati Uychi tumanidagi 23-sonli umumiy o‘rta ta’lim maktabini tamomlagan. Maktab davrida bilim olishga bo‘lgan ishtiyoqi uni ingliz tilidan kichik yoshdagi o‘quvchilarga dars berishga undagan. Bu jarayon, nafaqat uning mas’uliyatini, balki jamoa bilan ishlash va bilim ulashish ko‘nikmalarini ham rivojlantirgan.
Shu bilan birga, Ruxshona hozirda Namangan davlat chet tillari institutida tahsil oladi va o‘z bilimlarini yanada kengaytirishga intilmoqda. U 100 foizlik davlat granti asosida talabalikka qabul qilingan. Bu, uning o‘z maqsadlariga erishishda qo'shimcha yordam bo'ladi.
Ruxshona 17 yoshidan ingliz tilidan kichik yoshdagi o‘quvchilarga dars bera boshlagan va ta’lim, xorijiy tillar hamda shaxsiy rivojlanish sohalarida faoliyatini davom ettirmoqda. U ingliz, yapon va turk tillarini mukammal o‘zlashtirishga alohida e’tibor qaratmoqda.U "Trilingual" hisoblanadi. Maktab davrida erishgan akademik yutuqlari uchun o‘z ta’lim muassasasi tomonidan taqdirlangan.
Ruxshonaning hayotida eng katta ta’sir ko‘rsatgan inson, albatta, onasidir. Onasi uning ta’lim olishida va salohiyatini rivojlantirishida doimo yordam beradi. Onasi kelajakda ilm-fan sohasida yuksak natijalarga erishishini istaydi va Ruxshonani o‘z maqsadlariga erishish uchun doimo ilhomlantiradi.
Ruxshona muvaffaqiyatni boshqalardan ustun bo‘lishda emas, balki o‘z imkoniyatlarini kengaytirish orqali baholaydi. U bilim olish va yangi marralarni zabt etishga intiladi. Uning fikricha, har yangi kun — bu o'zidan kuchliroq, bilimliroq va tajribaliroq bo‘lish imkoniyati.
U bo'sh vaqtida kitob mutolaa qilish, rasm chizish, sudoku yechish va kundalik yuritish bilan shug‘ullanadi. Ruxshona kitoblar orqali yangi g‘oyalar va fikrlarga ega bo‘lishni, shuningdek, ijodiy fikrlash ko‘nikmalarini rivojlantirishni maqsad qiladi.
Ruxshona liderlik fazilatlarini ham muhim deb biladi. Uning fikricha, haqiqiy lider barcha jamoa a’zolariga teng munosabatda bo'lishi, fikrlarini tinglashi va ularni yagona maqsad sari birlashtira olishi lozim. Shu bilan birga, lider har bir qarori va harakati uchun javob bera olishi juda muhimdir.
Ruxshonaning kelajakdagi asosiy maqsadi — xorijiy tillarni mukammal o‘zlashtirish, ta’lim va ilm-fan sohalarida yuqori natijalarga erishish hamda malakali mutaxassis bo‘lib yetishishdir. U magistratura va doktorantura bosqichlarida tahsil olib, xalqaro ilmiy va ta’lim loyihalarida ishtirok etishni rejalashtirmoqda.
Ruxshona yoshlarga kattaroq maqsadlar qo‘yishni va ularga erishish uchun izchil harakat qilishni tavsiya qiladi. Uning fikricha, bunday yondashuv o'z salohiyatini oshirishga yordam beradi.
Ruxshona Izzatillayeva bugungi kunda ta’lim sohasida faoliyat yuritmoqda va uning maqsadi kelajakda barcha o‘z maqsadlariga erishish orqali nafaqat o'zini rivojlantirish, balki jamiyatga ham katta hissa qo'shishdir. U zamonaviy tadbirlarda ishtirok etishga tayyor, hamda bilim va tajribasini boshqa yoshlar bilan bo'lishishga intilmoqda. Ruxshonaning izlanishlari va orzulari amalga oshishi uchun noyob imkoniyatlar va e'tibor olishiga to'liq ishonamiz.