Jumanazarova Gulshan Jo'rabekovna

Gulshan uzoq vaqtlardan beri ta'limga qiziqdi. 5 yoshidan ota-onasi bilan mustaqil ta'lim oladi. Katta opasi unga o'zida o'rgangan bilimlarini ulashadi, bu esa uning kelajakdagi muvaffaqiyatlari uchun mustahkam poydevor bo'lib xizmat qiladi. Oilasi taraqqiyotga e'tibor qaratadi va bolalarini bilimli insonlar etib yetishtirishga harakat qiladi.

O'zbekiston davlat jahon tillari universitetida tahsil olib, u ingliz va rus tillarida yuqori darajada bilim olishga intiladi. Uning B2 darajadagi ingliz tili ko'nikmalari, ona tili va tarix fanlaridan sertifikatlar, uning o'z ustida ishlash niyatini ifodalaydi. Gulshan, shuningdek, maqola va tezis yozish bilan ham shug'ullanadi.

Gulshan ko'plab yutuqlarga erishgan. 2019-yilda rassomchilik bo'yicha respublika g'olibasi bo'lgan; shuningdek, «Yuksak e'tirof» ilmiy maqola g'olibasi va fan olimpiadasi g'olibasi sifatida tanilgan. Ushbu yutuqlar o'zida bilim va mahoratni bir joyga jamlaydi.

Gulshanning eng katta ta'sir ko'rsatuvchi insonlari ota-onasidir. Ular yoshlik chog'larida undagi imkoniyatlarga ega bo'lmasalar-da, hozirda 5 farzandining kelajagiga katta e'tibor qaratadilar. Ota-onasi har doim ilmda o'sishni va jamiyatga foyda keltirishni belgilarini o'rgatganlar.

Gulshan bo'sh vaqtida turli mavzularda kitob o'qiydi, chet tillarini o'rganadi, foydali podkastlarni tinglaydi va volontyorlik ishlarida faol qatnashadi. U ta'lim sohasida talabalariga bilim ulashish va ularga ko'maklashishga harakat qiladi.

Gulshanning hayotiy shiori: «Hayotimning muallifi o'zimman, har bir sahifasini munosib yozaman». U o'z faoliyatida kuchli ishtiyoq va intizomni muvaffaqiyat kalitlari deb biladi. Uning fikricha, o'rganish va o'qish jarayonida davomiylik va tartib zarur.

Gulshan kelajakda bakalavr, magistratura va doktorantura bosqichlarini muvaffaqiyatli yakunlashni, dunyo bo'ylab sayohat qilishni va chet elda o'qishni maqsad qilgan. U kelajakda IELTS, TOEFL va CEFR bo'yicha eng yuqori ballarni olishni rejalashtirmoqda.

Gulshan barcha yoshlarni ilmga, izlanishga va o'z ustlarida ishlashga chaqiradi. U yoshlarga katta orzular qilish va ularni amalga oshirish uchun kurashish kerakligini ta'kidlaydi. «Hayotingizni behuda o'tkazmang, ilmga sarflang», deydi u.

Gulshan Jumanazarova kelajakda katta muvaffaqiyatlarga erishishni rejalashtirmoqda. Uning hozirgi yo'li va tahsil olayotgan instituti ulkan imkoniyatlarni ochib beradi. Ota-onasining fidokorligi, o'ziga bo'lgan ishonchi va intilishlari uni yanada muvaffaqiyatli kadr sifatida shakllantiradi.