Mamadaliyeva Iroda Maqsudali Qizi

Irodaning bolaligi Dubayda o‘tdi, bu esa unga xalqaro muhitda ilhomlanishga va turli madaniyatlar bilan tanishishga imkon berdi. U boshlang‘ich ta’limni Dubayda olib, keyinchalik 7-DIMI ni tamomlab, hozirda Renessans va Greenwich ta’lim dasturlarida o‘qishga qadam qo‘ydi.

Ta’lim sohasidagi faoliyatini Iroda universitetga o‘qishga kirish orqali boshlagan. Hozirgi paytda u ingliz tilini chuqur o‘rganib, kelajakda malakali ingliz tili o‘qituvchisi bo‘lish uchun bilim va ko‘nikmalarini rivojlantirishga harakat qilmoqda.

Iroda ingliz tili bo‘yicha B2 darajadagi sertifikatga ega. Shuningdek, ona tili va adabiyot fanidan B darajali milliy sertifikatga va Qizlar Akademiyasi tomonidan berilgan 6 ta sertifikatga ham ega. U bilim va qo‘nikmalarini muntazam rivojlantirib, kelajakda ingliz tili ta’limi sohasida yuqori natijalarga erishishni maqsad qilmoqda.

Irodaning hayotiga eng katta ta’sir ko‘rsatgan inson — onasi bo'lib, uning mehnatsevarligi va sabr-toqati Irodaga doimo motivatsiya beradi. Ana shu qadriyatlar Irodani o‘z maqsadlari sari harakat qilishga va o‘rganishdan to‘xtamaslikka undaydi.

Iroda o'z hayotiy shiorini "Harakatdan to‘xtama, o‘zingga ishon va orzularing sari intil!" deb belgilaydi. U har bir qiyinchilikni yangi tajriba va o‘sish imkoniyati deb biladi va muvaffaqiyatga erishish uchun sabr, mehnat va qat’iyatga ishonadi.

Iroda bo‘sh vaqtida ingliz tilini o‘rganish, kitob o‘qish hamda yangi bilimlar olishni yoqtiradi. Shuningdek, u pazandachilik va to‘quvchilikka ham qiziqadi, yoqimli va mazali pishiriqlar tayyorlashni va to‘quv ishlarini bajarishni yaxshi ko‘radi.

Iroda liderlik mas’uliyatlarga to‘g‘ri kelishini, boshqalarni tushunish va o‘ziga ishonish muhim deb hisoblaydi. Har qanday haqiqiy lider boshqalarga ishonch berishi kerak deb o‘ylaydi.

Irodaning kelajakdagi eng katta maqsadi — ingliz tilini mukammal o‘rganish va TESOL yo‘nalishida malakali mutaxassis bo‘lish. Xorijda magistratura ta’limi olish va moliyaviy mustaqillikka erishish istagi ham bor.

Iroda boshqalarga muvaffaqiyatsizlikdan qo‘rqmaslik va har bir qiyinchilikni yangi imkoniyat sifatida ko‘rishlarini tavsiya etadi. U maqsadlarga erishish uchun o‘z ustida ishlash va doimiy ravishda o‘rganishga undaydi.

Mamadaliyeva Iroda Maqsudali qizi hozirda o'z kasbiga chuqur qiziqish ko‘rsatib, kelajakda yuqori maqsadlarga erishishga tayyorlanmoqda. U o'z bilim va ko‘nikmalarini rivojlantirishga tashabbus ko‘rsatadi, jamiyatga foydali mutaxassis bo‘lishga intiladi.