Melsova Nigina Baxtiyor Qizi

Melsova Nigina 2009-yil 15-yanvarda Toshkent shahri Yunusobod tumanida tug‘ilgan. U Yunusobod tumanidagi 258-maktabda o‘rta umumiy ta’lim olgan. Maktab davrida huquq bo‘yicha olimpiadalarda qatnashib, yuqori o‘rinlarni egallagan va u shuningdek, maktabni oltin medal bilan tamomlagan.

Hozirda Nigina Toshkent davlat yuridik universitetining 1-kurs talabasi. U 2026-yilda TDYUning Davlat va jamiyat boshqaruvi yo‘nalishiga grant asosida o‘qishga qabul qilingan. Bu davrda u o'z bilimini mustahkamlashga juda katta e'tibor bermoqda.

Yoshlik davridan sud majlislarida erkin fikr bildirgan Melsova, insonlarni himoya qiluvchi prokuror va advokat kabi huquq himoyachilaridan ilhomlangan. Bu uning prokuror bo‘lishdek katta maqsad qo‘yishiga ta’sir qilgan.

Nigina kelajakda huquqni muhofaza qiluvchi organlarda yetuk kadr bo‘lib yetishishni va turli tillarda so‘zlashishni o‘rganishni maqsad qilgan. Ular uchun o'z bilimini kengaytirish niyatida aktiv ravishda tillarni o‘rganmoqda.

U bo‘sh vaqtida siyosatni tahlil qiladi, huquqiy hujjatlarni o‘qiydi va universitetida volontyorlik bilan shug‘ullanadi. U turli tadbirlarda boshlovchilik qilib, notiqlik san’atini namoyish etgan hamda zakovat o‘yinlarida qatnashgan.

Niginaning fikricha, lider bo‘lish uchun eng muhim fazilat — mas’uliyatni o‘z zimmasiga olishdir. Uning hayotiy shiori: "Zamonni kuzatib yashamang — uni bilim, tafakkur va mas’uliyat bilan o‘zgartiradigan avlod bo‘ling!”

Ko‘plab yoshlarga motivatsiya berish maqsadida, Nigina"Aziz yoshlar, hayotda boshqalardan o‘zib ketishga emas, avvalo, kechagi o‘singizdan kuchliroq bo‘lishga intiling!" deya motivatsiya beradi. U o'z tanlovi orqali kelajagiga ta'sir ko‘rsatishni maqsad qilgan.

Bugungi kunda Melsova Nigina Baxtiyor qizi o'zining bilim, tajriba va intilishi orqali jamiyatda ijobiy o'zgarishlar kiritishga tayyor. Uning kelajak maqsadi nafaqat shaxsiy muvaffaqiyatga erishish, balki jamoatchilik uchun ham foydali bo'lishdir. O'z bilimini yer yuzida tarqatish va boshqa yoshlarga ilhom berish orqali, Nigina kelajakda ajdodlarimizning umidini amalga oshirish uchun harakat qiladi.