Mirjalolova Muazzamxon Mirjalil qizi

Muazzamxonning bolaligi Namangan viloyatining Kosonsoy tumani, Qo‘qumboy MFYda o‘tdi. Ota-onasining tashabbusi bilan mehnatga tayyorlanish jarayoni bolalikda boshlandi. U har doim o‘z maqsadlariga ko‘z tutib, an'anaviy sportga qiziqishni rivojlantirib kelgan. Oila doimiy ravishda uning tahsil va sport faoliyatini qo‘llab-quvvatlab kelgan.

Muazzamxon 2018-yildan boshlab an'anaviy taekvondo (ITF) sport turi bilan shug‘ullanadi. U 2019-yilda "Open Asian Championship and Cup" musobaqasida yuksak natijalarga erishgan: sparring bahsida 1-o‘rin va tul bahslarida 3-o‘rinni egallagan. U 2023-yilda "Asian Cup" musobaqasida faxrli 1-o‘rinni qo‘lga kiritdi. 2024-yilda "Eurasian Open Youth Cup" xalqaro musobaqasida 50 kg vazn toifasida 1-o‘rnini egalladi va 2025-yilda Osiyo kubogida g‘olib bo‘ldi.

2023-yildan boshlab Muazzamxon ilmiy faoliyatini yo‘lga qo‘ydi. U ustozı Rashidov Rahmatullo A’lojonovichning ko‘magida xalqaro va mahalliy konferensiyalar hamda jurnallarda tezis va maqolalarini chop ettira boshlagan. Uning ilmiy faoliyati davomida 30 ga yaqin ilmiy maqola va tezis tayyorlanib, 3 ta monografiya chop etilgan, shuningdek, u "Iqtisodiy ta’limotlar tarixi" fanidan o‘quv qo‘llanma ustida ishlagan.

2024-yildan Muazzamxon innovatsion loyihalar va startaplarga qiziqishni rivojlantirgan. 2025-yilda "InnoStudent-2025" innovatsion g‘oyalar tanlovida 2-o‘rin sovrindori bo‘lib, respublika miqyosida "Yosh muhandis" tanlovida final bosqichida ishtirok etdi. U xalq ta’limi muassasalari o‘rtasida"Yil talabasi-2024" tanlovining "Yilning eng faol sportchi talabasi" nominatsiyasi g‘olibi sifatida tanlandi.

Muazzamxon 2023-yilda ilk maqola va tezisini chop ettirgan. Uning ilmiy faoliyati doirasida 30 ga yaqin ilmiy maqola va tezislar tayyorlangan. Bu tajribasi unga ilmiy jamoatchilikda katta hurmat kasb etish imkonini berdi.

Uning sportga kirib kelishiga Mirshokir akasi sabab bo‘lgan. Iqtisodiyot sohasiga qiziqishi Mirshohid akasi sababli shakllangan, ilmiy faoliyatga qiziqishi esa ilmiy rahbari professor R.A. Rashidovning yo‘l-yo‘riqlari va qo‘llab-quvvatlashi orqali rivojlangan. Innovatsiya va startaplarga qiziqishi koordinatori Shoxjahon Sultanov bergan imkoniyatlar va motivatsiya orqali uyg‘ongan.

U bo‘sh vaqtlarida kitob mutolaasi, IT va til o‘rganish bilan shug‘ullanadi. U o’z hayotidagi eng muhim fazilat sifatida mas’uliyatni biladi, chunki faqat mas'uliyatli lider boshqalarga yo‘l ko‘rsatadi.

U kelajakda ta’limini davom ettirib, koreyada magistratura bosqichida tahsil olishni rejalashtirgan. U ilmiy faoliyatini rivojlantirishni va innovatsion loyihalar ustida ishlashni maqsad qilgan. Uning asosiy maqsadi xalqi va jamiyati uchun foydali loyihalarni amalga oshirishdir.

Muazzamxon Mirjalolova o'z orzu-maqsadlari sari intilayotgan, iqtidorli yosh tadqiqotchi va sportchi. Uning hayotidagi muvaffaqiyatlar ota-onasining qo‘llab-quvvatlashi va o‘z maqsadlariga bo‘lgan qat'iyatliligini ko‘rsatadi. U kelajakda nafaqat o'z sohasida, balki jamiyatda ham ijobiy o'zgarishlar yaratishga intilmoqda.