Ne'matilloyeva Gulsanam Bobirovna

Gulsanam bolaligidan ilm olishga va yangi bilimlarni egallashga intilgan. Ota-onasi tomonidan yaratilgan sharoitlar va ularning qo‘llab-quvvatlashi Gulsanamni har doim o’z maqsadlari sari ilgarilashga undagan. Ayniqsa, otasining “qizim nima bo‘lishidan qat’iy nazar biz sen bilabmiz” degan gapi unga motivatsiya beradi.

Uning ilmiy izlanishlari va o‘z ustida ishlashga bo‘lgan intilishining dastlabki samaralari 5-sinfdan boshlab namoyon bo‘la boshlagan. Shu davrdan buyon maktab miqyosida tashkil etilgan turli fan olimpiadalarida muntazam qatnashib, 1- va 2-o‘rinlarni egallagan. Gulsanam so‘nggi ikki yil davomida uchta fan bo‘yicha sertifikatlarga ega bo‘lgan; u til bilish darajasidan C1 darajasini qo‘lga kiritgan.

U Buxoro davlat universitetida tahsil oladi, kelajakda malakali tarjimon bo‘lishni maqsad qilib qo‘ygan. Shuningdek, shaxsiy rivojlanish, liderlik va jamoa bilan ishlash ko‘nikmalarini rivojlantirishga intiladi. U kelajakda talabalar manfaatini ifodalash va universitet hayotiga hissa qo‘shishni maqsad qilgan.

Gulsanam kitob o'qishga alohida qiziqish bildiradi, hozirgacha 50 dan ortiq kitob o‘qigan. Rassomlik, uning tabiiy qobiliyatlari orqali, u ijodkorligini namoyon etishni yoqtiradi. Yangi insonlar bilan tanishish va tajriba almashish unga yoqadi.

Uning hayotiy shiori: “Har bir xatoning hikmati, har bir yo‘lning o‘z xayri bor. Bir eshik yopilsa, boshqasini izlashdan to‘xtama. Zero, har bir yo‘lda yangi imkoniyatlar mavjud.” U kelajakda ota-onasining ishonchini oqlash, yurtimizda va xalqaro maydonda faoliyat yuritib, jamiyatga foyda keltirishni istaydi.

Boshqalar undan qat’iyatni, har qanday vaziyatda, hatto umidsizlikka tushgan paytda ham oldinga intilishni o‘rganishlari mumkin. Fikri bor: "Har bir inson o‘z intilishi, qat’iyati va insoniy fazilatlari bilan boshqalarga ilhom bera olishi mumkin."

Unga yaratilgan imkoniyatlar va ota-onasining ishonchi uning kelajakdagi muvaffaqiyatlarining asosidir. Gulsanam kelajakda mukammal tarjimon bo‘lish, o‘z bilim va malakalarini jamiyatga foyda keltirishga bag‘ishlash niyatida.