Normurodova Anora Xoliyor Qizi

Anora Normurodova 2008-yil 22-iyunda Surxondaryo viloyati, Bandixon tumani, Navro‘z mahallasida tug‘ilgan. U oilada ota-onasi tomonidan doimiy dalda va qo‘llov olingan birinchi farzand sifatida tarbiyalangan. Ota-onasi uning ta'limi haqida alohida g‘amxo‘rlik ko‘rishgan. O‘smir yillarida Anora o‘ziga maqsad qo‘yish va universitetga kirish uchun ko‘p harakat qilgan. Bu esa uni oldinga intilishiga turtki bo‘lgan.

Anora hozirda Toshkent davlat tibbiyot universitetida grant asosida tibbiyot sohasida tahsil olmoqda. U 15 yoshidan tibbiyot sohasida o‘qishga bel bog‘lagan va oilasi, ustozlari yordamida shu bosqichga yetib kelgan. Ta'limda muvaffaqiyatlar sari intilish hamda ko‘p o‘rganish uning asosiy maqsadi bo'lib qolmoqda.

Anora tuman olimpiadalarida biologiya, kimyo va ona tili fanlari bo‘yicha 1-o‘rinlarni egallagan. Shuningdek, dastlabki qarorlarda yozma ijodiy faoliyatida ham katta muvaffaqiyatga erishgan, insholar tanlovida yetakchi o‘rinni qo‘lga kiritgan. U biologiya fanidan A, kimyo fanidan A+, ona tili fanidan A va tarix fanidan A darajali sertifikatlarga ega.

Ota-onasi uning eng yaqin va doimiy qo‘llovchilari bo‘lib kelishgan. Anoraning kumiri Abu Ali ibn Sino. Abu Ali ibn Sinoning hayoti va ijodi bilan tanishganidan so‘ng, Anoraning fikrlashi va dunyoqarashi butkul o‘zgardi. U o‘zini Abu Ali ibn Sino avlodi deb biladi va bu faxr tuyg‘usi uni oldinga intilishida yangidan yangiliklar yaratilishi uchun ilhomlantiradi.

Anora bo‘sh vaqtida til o‘rganish, badiiy kitob o‘qish, pianino chalish, badminton va shaxmat o‘ynash, tikuvchilik hamda pazandachilikni o‘rganish bilan shug‘ullanadi. U bir nechta volontyorlik klublariga a’zo bo‘lib, yaqinda universitetning Zakovat jamoasi tarkibiga kirdi. Bu uning ijtimoiy faoliyatda ishtirok etishiga, jamoa bilan ishlashiga imkon yaratmoqda.

Uning fikricha, lider bo‘lish uchun yangiliklardan qo‘rqmaslik, intizom va adolatni targ‘ib qilish juda muhim. Anora kelajakda bir nechta tillarni o‘rganishni, chet elda malaka oshirishni, va Vatanimizda tibbiyot sohasida misli ko‘rilmagan yangi kashfiyot va startaplarni yaratishni maqsad qilgan. U, shuningdek, 3-renessansning asosiy ishtirokchilaridan biri bo‘lishni ham juda istaydi.

Uning hayotiy prinsipi: “Kecha kim bo‘lganing muhim emas, bugun nimalarni o‘rganayotganing va ertaga kimga aylanishga intilayotganing muhim. Noshukur bo‘lma; senda bo‘lgan narsalar hozir kimlar uchundir ushalmas orzu.” Bu prinsiplar hayot davomida Anorani harakatda ushlab turuvchi kuchdir. U yoshlar bilan o'z tajribalari va fikrlarini bo'lishishga tayyor.

Anora Normurodova hozirda tibbiyot sohasida bilimini oshirish va kelajaktagi maqsadlari jinsiy salomatlikda yangi kashfiyotlar yaratishdir. U o‘zining ishtiyoqi, intiluvchanligi va mehnatsevarligi bilan o'ziga yangi muvaffaqiyatlar sari yo‘l ochmoqda. Yoshlar uchun Anora o'zining tajribalari bilan qadrlik xabarlar tarqatmoqda, u o‘z maqsadlariga erishish yo‘llarida qat'iyatli davom etmoqda.