Odilova Nozima Obidjon Qizi

Nozima bolalik davomida yangi tillarni o'rganishga buyuk qiziqish ko'rsatgan. Ushbu qiziqish uni ingliz tilini o'rganuvchi talabalarga o'qituvchilik qilishga undagan. U juda kichik yoshidan, jamiyatdan muhim ta'sirlar olgan, shuningdek, o'rganish va o'zini rivojlantirish yo'lida mehnat qilgan.

U 2021-yil 1-sentabrdan ingliz tilini o'rganuvchi talabalarga dars berishni boshlagan. O'z ta'lim jarayonida talabalarga bilimlarni kengaytirishda, ularni yoritishda o'z hissasini qo'shishga intilmoqda. Nozimaning dars berish yondashuvi nafaqat o'z oldiga qo'yilgan maqsadlarni amalga oshirish balki talabalarning qiziqishlarini rivojlantirishga qaratilgan.

Nozima ingliz tili bo‘yicha B2 darajasida sertifikatga ega va ona tili, adabiyot, tarix, matematika fanlaridan milliy sertifikatlarni qo'lga kiritgan. "Yosh kitobxon" ko‘rik-tanlovida viloyat bosqichida faxrli o‘rinni egallagan, shuningdek, maktabda "Yil talabasi" tanlovida g‘olib bo'lgan. "Til — millat g‘ururi" festivalida faol ishtirok etgani uchun taqdirlangan. Shuningdek, shaxmat musobaqalarida faxrli o‘rinni egallagan, shuningdek, o'zining kichik she'riy kitobini nashr ettirgan.

Nozima ustozi Xurshida Azamjonova bilan tanishgan. Ustozining dunyoqarashi, yangi ko‘nikmalarni o‘rganishga bo‘lgan intilishi va faoliyat davomida ko‘plab ishlarni bajarishga ulgurishi uni ilhomlantirgan. Uning ko'rsatmalari va ta'siri Nozimaga ijodiy va ish faoliyatida katta turtki bo'lgan.

Nozimaning bo'sh vaqtini qanday o'tkazishi qiziqarli — u kitoblarni o'qishni, rasm chizishni, hikoyalar yozishni, shaxmat o'ynashni, turli sport turlarida qatnashishni va media ishlarda ishtirok etishni yoqtiradi. Shuningdek, u doimiy ravishda yangi narsalarga qiziqishi va o'zini sinab ko'rishga harakat qiladi.

Nozima kelajakda ko‘plab tillarni o‘rganishni, o‘z kitoblarini chop ettirishni, dunyo bo‘ylab sayohat qilishni va chet elda o‘qishni istaydi. U yosh avlodga o‘rnak bo‘la oladigan inson bo'lishni maqsad qilib qo'ygan.

Nozimaga hayotiy shiori: “Orzularingga sodiq qol va hech qachon tavakkal qilishdan qo‘rqma.” Ushbu so'zlar unga hayotda duch keladigan qiyinchiliklarni yengishda kuch beradi va o'z orzulariga erishish yo'lida peshqadam bo'lishga yordam beradi.

Hozirgi kunda Nozima Odilova o'zining qisqa, biroq mazmunli hayot yo'lida ko'plab yutuqlarga erishgan. Uning maqsadlari faqat o'z tarbiya jarayoniga va bilishga qaratilgan emas, balki jamiyatga yanada ko'proq hissa qo'shishni o'z ichiga oladi. U kelajakda ko'plab orzularini amalga oshirish niyatida bo'lib, o'z bilimlari va tajribalarini boshqalarga ulashishda davom etmoqda.