Olmosov Ozodbek Faxriddinovich

Ozodbekning ilm olishga bo‘lgan qiziqishi maktabgacha bo‘lgan davrda shakllangan. Oilasi, xususan, bobosi tufayli u maktabga borishidan avval yozish, o‘qish va hisoblashni o‘rgangan. Bobosi doimo uni bilim olishga rag'batlantirib, ko'plab qiziqarli mavzularni muhokama qilardi. Bu muhit unga ta’limga shu darajada sho‘ng‘ib ketishiga sabab bo‘lgan.

U Qumqo‘rg‘on tumanidagi 25-sonli umumiy o‘rta ta’lim maktabida tahsil olgan. Maktab davrida ta’limiy, ilmiy va madaniy tadbirlarda faol qatnashdi. Tarix, geografiya va ingliz tili fanlariga qiziqishi kuchli bo‘lib, maktab yillarida ilmiy va madaniy tadbirlarning ajralmas ishtirokchisi bo‘lgan. 9-sinfdan boshlab geography, ingliz tili, matematika va tarix fanlari bo‘yicha olimpiadalarda ishtirok etib, viloyat bosqichlariga bir necha bor chiqqan.

O'zbek tilida 189 ball bilan Jahon iqtisodiyoti va diplomatiya universitetiga davlat granti asosida talabalikka tavsiya etilgan. Hozirda u universitetda Xalqaro munosabatlar yo‘nalishida tahsil oladi va CEFR sertifikatlaridan B2 darajasi bilan 59 ball, tarix fanidan A+ darajasi bilan 82,46 ball va ona tili fanidan esa A darajasi bilan 69,99 ball olgan.

Ozodbekning sport bilan shug‘ullanadi. U futbol bo‘yicha maktab turnirlarida bir necha bor g‘olib bo‘lgan. Hozirda Jahon iqtisodiyoti va diplomatiya universiteti talabalaridan tashkil topgan futbol jamoasi bilan rektor kubogi va universitetlararo musobaqalarda ishtirok etish tashabbuslarini ilgari surmoqda.

Kelgusida, Ozodbek xalqaro munosabatlar va diplomatiya sohasida chuqur bilim va amaliy tajribaga ega kuchli mutaxassis bo‘lishni maqsad qilgan. Uning uchun muvaffaqiyat nafaqat shaxsiy yutuqlar, balki o'z bilim va imkoniyatlari orqali jamiyatga foyda keltirishdir. U yurtiga va xalqiga xizmat qilish, ularga yordam berish va yosh avlodni qo‘llab-quvvatlashni niyat qilgan.

Ozodbek Faxriddinovichning maqsadlari ta’lim va sportdagi muvaffaqiyatlar bilan bir bilan birga, o'z xalqining illatini anglash, O‘zbekistonning xalqaro maydondagi manfaatlarini himoya qilish va yoshlarni rag‘batlantirishdan iborat. U o'zining kelajakdagi sa’y-harakatlari bilan O‘zbekiston kelajagiga hissa qo‘shmoqchidir.