O'ralova Malikabonu Ismoilovna

O'ralova Malikabonu 2009-yil 12-fevralda Qashqadaryo viloyati G'uzor tumanida tug'ilgan. O'z faoliyatini 6 yoshida o'rta ta'lim va musiqa maktabi bilan bog'liq holda boshlagan. U G'uzor tumanidagi 23-o'rta ta'lim maktabida 8-sinfgacha tahsil olgan. Keyinchalik, 9-sinfda Toshkent shahri Chilonzor tumanidagi kimyo-biologiyaga ixtisoslashtirilgan 200-IDUMda bir yil tahsil olgan. 10-11-sinflarda Qarshi ixtisoslashtirilgan san'at maktabida o'qigach, mukofot va sertifikatlar bilan taqdirlangan.

Toshkent shahridagi R. Gler san'at maktabida o'tkazilgan "Ohanglar jilosi" tanlovida faxrli 1-o'rin sohibasi bo'lgan. Xorazmda o'tkazilgan "Khiva art fest 2026" tanlovida ham faxrli 1-o'rinni qo'lga kiritgan. U hozirda O'zbekiston davlat konservatoriyasida musiqashunoslik yo'nalishi bo'yicha ta'lim olmoqda. O'zining ijodiy faoliyatini davom ettirib, felyeton, xronika, ijodiy portret, taqriz, annotatsiya, sharh va intervyular yozmoqda.

O'ralova Malikabonu she'r va hikoyalar yozadi, bu ijodlarini "Yoshlar ovozi" gazetasida nashr etishda davom etadi. Har bir 3 oydan bir reja tuzib, 4-7 ta kitobni mutolaa qiladi, fortepiano, dutor va boshqa cholg'ularni o'rganadi. Bo'sh vaqtlarida tikuvchilik, hamshiralik va vizajistlik faoliyatlari bilan shug'ullanadi, sport to'garaklarida, voleybol, basketbol va futbol bilan faoliyat yuritadi.

Malikabonu izlanish va o'zini anglash jarayonida har doim o'zidan o'rnak olishga harakat qiladi. U liderlik fazilatlari sifatida o'zini anglash, boshqalarga tinglovchi bo'lish va ular fikrini tushunish, so'z boyligini oshirish va xushmuomala bo'lishni hisoblaydi. Bularning barchasi ochiq muloqot bilan bog'liqdir.

U kelajakda o'z sohasida dissertatsiya yoqlash, O'zbek musiqa madaniyatini xalqaro miqyosda targ'ib etish, san'at va musiqa tushunchasini xalqqa yetkazish, shuningdek, chet el mamlakatlariga chiqib o'zbek musiqa madaniyatini shakllantirishni istaydi. U o'zining mualliflik qo'shiq albomini chiqarishni, hikoya va she'rlar to'plamini tayyorlashni maqsad qilgan.

O'ralova Malikabonu yoshlarga o'z orzulariga erishishda doimo harakat qilishlari kerakligini va har bir inson o'z o'rnini topishi lozimligini ta'kidlaydi. O'z ustida ishlab, o'z maqsadlariga intilishni davom ettirish orqali, juda ko'p yutuqlarga erishish mumkinligini tushunadi. Kelajakda san'at va muzika sohasida ulkan muvaffaqiyatlarga erishish niyatida iqtidorli ayol sifatida o'zbek madaniyatini butun dunyoga tanitish maqsadida ishlamoqda.