Paxlavonjon Abdushukurov Xushnudbek O'g'li

Paxlavonjon Abdushukurovning hayotiga ota-onasi katta ta’sir ko‘rsatgan. Ular unga eng og‘ir paytlarda ham taslim bo‘lmaslik kerakligini uqtirib, ishonch bildiradilar. U, ota-onasi tomonidan olingan bu ta'sirni hayotida doimo qadrlaydi va maqsadlariga erishish uchun ulardan ilhomlanadi.

Uning hayotiy prinsipi shundan iboratki, hammaga deyarli bir xil vaqt va imkoniyat berilgan bo‘lsa-da, yillar o‘tishi bilan insonlar o‘rtasidagi tafovut kattalashib boradi. Shu bois, Paxlavonjon maqsad va ilm yo‘lidagi harakat ko‘lami hamda vaqtni boshqarish ko‘nikmasi har kimda turlicha ekanligini ta’kidlaydi.

Bo'sh vaqtida u kitob o‘qish, film tomosha qilish, gitara chalish, rasm chizish va badminton o‘ynash bilan shug'ullanadi. Paxlavonjon bu faoliyatlar orqali nafaqat bilimini oshirish, balki ijodiy qobiliyatlarini ham rivojlantirishga intiladi.

Paxlavonjonning fikricha, liderlik uchun eng muhim fazilat mas’uliyatdir. Lider g‘alabani jamoa bilan bo‘lishib, xatoni esa o‘z zimmasiga oladi. Bu mas’uliyat ishonchni hosil qiladi va ishonch esa jamoani birlashtiradi, bu esa muvaffaqiyatga olib keladi.

U kelajakda raqamli iqtisodiyot sohasida kuchli kadr bo‘lib yetishishni, fizika fanlari bo‘yicha dunyo miqyosida tan olingan yetakchi olim darajasiga ko‘tarilishni, ushbu sohaga global miqyosda salmoqli hissa qo‘shishni hamda nufuzli mukofotlarga sazovor bo‘lishni oliy maqsad qilgan. Bu maqsadlarga erishish uchun u harakat qilishda davom etmoqda.

Paxlavonjon Abdushukurov Axborot xavfsizligi va fizika fanlari sohalarida o'zining intilishlari va yutuqlari bilan nafaqat o'zini, balki atrofidagi yoshlarni ham ilhomlantirayotgan yangi avlod kadrlardan biridir. U o'z kelajagida global miqyosda tan olingan olim bo'lish niyatida. Shu bilan birga, Paxlavonjon o'zining hayotiy shioriga qat'iy amal qilib, har doim oldinga intilmoqda, kelajakdagi orzularini ro'yobga oshirishga harakat qilmoqda.