Qobilova Feruzabonu

Qobilova Feruzabonu 2005-yil 20-martda Samarqand viloyatida, aniqrog‘i Jomboy tumani, Tut MFYda tug‘ilgan. U o'z bolalik davrida bobolar zamonidan buyon davom etib kelayotgan an'analarni kuzatib, ulardan ilm olib o'sgan. Oila a'zolarining ta'limga bo'lgan qiziqishi va ulardan olgan tarbiya uning yutuqlari uchun kuchli zamin bo'ldi. Uning bolaligi aqliy va madaniy jihatdan ta'limotga boy edi. Bu esa uning kelajakdagi muvaffaqiyatlariga yo'l ochdi.

Feruzabonu maktabni a’lo baholarga tamomlagan. U maktabda faol o'quvchi bo'lgan va o'zining yutuqlari bilan sinfda va maktabda ijobiy obro'ga ega bo'lgan. Feruzabonu “Yosh kitobxon” ko‘rik-tanlovining viloyat bosqichi g‘olibasi sifatida e'tirof etilgan, shuningdek “Yil tarbiyachisi” tuman bosqichi sovrindori ham bo'lgan. Bu uning ta'lim olgan yillarida mehnati va iqtidorining samarasidir.

Oliygohda o'z ta'limini davom ettirish uchun Toshkent amaliy fanlar universitetini tanladi va bakalavr bosqichida ta'lim oldi. O'z oldiga qo'yilgan maqsadlarga erishganidan so'ng, hozirgi kunda Sharof Rashidov nomidagi Samarqand davlat universitetining 1-kurs magistrantidir. U o'z sahasida bilimlarni oshirib, o'zini yanada rivojlantirish uchun harakat qilmoqda.

Feruzabonu tarbiyachilik kasbini tanlaganida o'zining bola tarbiyasi va ta'limidagi qiziqishini inobatga oldi. U har doim bolalarning ta'limida ko'proq e'tibor berishga intilgan va o'z faoliyatini shu maqsadda boshlagan. u bilish va o'rganishni jaholatni yo'qotuvchi vosita sifatida talqin qilib, ilm va mehnat orqali o'zini rivojlantirishga ishonadi.

Feruzabonu 2022-yilda tarbiyachilik faoliyatini 23-DMTTda boshlagan. Bu yerda u bolalar ta'limida qiziqishlari va tajribasini namoyon etish imkoniyatiga ega bo'ldi. U shuningdek, o'z tajribasidan kelib chiqib, “Maktabgacha ta'limda STEAM texnologiyalari” maqolasi ustida ishlamoqda.

Uning hayotiy shiori: “Hayot yo‘lingizda o‘zingizning kemangiz va o‘z boradigan manzilingiz bo‘lsin.” Unga ko‘ra, “Men” emas, har doim “Biz” deb harakat qilish liderlarning eng muhim fazilatidir. Bu tamoyillar unga o'z maqsadlariga erishishda kuch va ilhom beradi.

Feruzabonu bo'sh vaqtlarida kitob o‘qiydi va hozirgi kunda til darajasini oshirish uchun turk tilini mukammal o‘rganmoqda. U o'z bilimini oshirish orqali boshqalar bilan tajriba almashish va kasbiga doir xalqaro tajribalarni o‘rgata olish imkoniyatiga ega bo'lishni maqsad qilmoqda.

Feruzabonu kelajakda olima bo‘lishni, doktorantura va aspiranturada tahsil olishni, PhD yoqlashni va o'z kasbi orqali yurtini butun dunyoga ko‘rsatishni maqsad qiladi. Uning asosiy istagi esa farzandlari uni faxr bilan eslashidir.

U erishgan yutuqlari uchun sharoit yaratib bergan, yutuqlarini o‘z yutuqlaridek ko‘radigan yaqinlari va oila a’zolaridan minnatdor. Shuningdek, “Yuksalish liderlar” akademiyasining Samarqand filiali hamda barcha ustozlariga o‘z minnatdorligini bildiradi. Bu jamoatchilik va maslahat tashkilotlarining faoliyatida ishtirok etish orqali tayanchlar va kuchlar topishda yordam berdi.

Bugungi kunda Qobilova Feruzabonu o'z uslubida faoliyat yuritmoqda va kelajakka bo'lgan ishonchi kuchli. Uning hayotiy maqsadlari, yutuqlari va saboqlari o'z egasini kelajakda o'z iste'dodini butun dunyoga ko'rsatishi uchun tayyorlamoqda. U o'zining tarbiyachilik faoliyatida yurt kelajagi bo'lmish yosh avlodni ta'lim berishda davom etadi va o'z bilimlariga asoslangan holda jamiyatga xizmat qilishni istaydi.