Rajabova Lola Sunnatilla Qizi

Rajabova Lola 2006-yilda Toshkent viloyatining Ohangaron shahrida dunyoga keldi. Bolaligidan oshiqlik va izlanishlar bilan to‘la hayoti, uning ilk ta'lim olish davrida kelib chiqa boshladi. Bolalikda o‘zining ilmga bo‘lgan qiziqishi va allaqachon bilim olish niyatlarini shakllantira boshladi.

U 2024-yilda Toshkent Davlat Tibbiyot Universitetining bakalavr bosqichi 3-kursida tibbiy profilaktika yo‘nalishida o‘qishga qabul qilindi. O‘qishni davlat granti asosida boshlash Lola uchun muhim bir qadam bo‘ldi; bu yo‘lni bosib o‘tishda sabr va azm bilan harakat qilishga undadi.

Lola abituriyentlik paytida bir kun ilm haqida ko‘rsatuv tomosha qildi va bir domlaning fikrlarini eshitganidan keyin ilhomlandi. U ilm olish va hayotidagi maqsadlarni to‘g‘ri belgilash kerakligini anglab yetdi. Ilmni Alloh roziligi uchun olish zarurligi haqidagi fikrlar Lola ko‘nglida chuqur iz qoldirdi.

U 2024-yilda Zulfiya ko‘krak nishoni sohibasi, 2025-yilda esa Akilov Ataulla Turaxanovich nomidagi stipendiya sohibasi bo‘ldi. Xalqaro olimpiadalarda O‘zbekiston yangi tarixi fanidan 2-o‘rinni, Ovqatlanish gigiyenasi fanidan 1-o‘rinni egallagan. Lola IELTS bo‘yicha B2 darajaga ega va kamida 10 dan ortiq konferensiyada ishtirok etgan hamda muallif sifatida 20 ga yaqin ilmiy maqola yozgan.

U bo‘sh vaqtida ijod bilan shug‘ullanadi va she'rlar yozadi. Har doim yangi bilimlarni kashf etishga intilib, o‘zi bilmagan narsalarni o‘rganadi. U tarixiy va estetik joylarga sayohat qiladi, stol tennisi o‘ynaydi va tillarni o‘rganishga ham qiziqadi.

U kelajakda xorijda malakali shifokor bo‘lishni rejalashtirmoqda. O‘zbekistonning tibbiyot sohasini rivojlantirishda o‘z rolini o‘ynashni maqsad qiladi. Uning hayotiy shiori: "Hayotda hamisha quvnab yashang, har bir lahzasidan zavq oling, har qanday holatda, qiyinchiliklarda ham shukr qiling".

Uning fikricha, liderlik har qanday vaziyatga har tomonlama yondashish va to‘g‘ri baholashni talab qiladi. Lola boshqalar bilan mehr-oqibatli bo‘lishni, norozilik yoki g‘azabdan ko‘ra insonlarning his-tuyg‘ularini tushunishni muhim deb hisoblaydi.

Rajabova Lola Sunnatilla qizi hozirda o‘z yo‘lida yanada ko‘plab yutuqlarni qo‘lga kiritish, билим olish va hayotida ijobiy o‘zgarishlar qilish maqsadida sa’y-harakatlarini davom ettirmoqda. Kelajakda tibbiyot sohasida o‘z o‘rnini egallab, O‘zbekistonda tibbiyot sifatini oshirishga hissa qo‘shishni orzu qiladi.