Ramazonova Sevinch Elbek Qizi

Sevinch Ramazonova Navoiy viloyatining Karmana tumanida tug'ilgan. U bolalikdan o'qishga qiziquvchan edi va o'zining bilim olishga bo'lgan ishtiyoqi bilan ajralib turardi.U maktabda o'qiyotganda, doimo ilmiy va ijtimoiy tadbirlarda faol ishtirok etar edi, bu esa uning kelajakda huquq sohasini tanlashiga sabab bo'lgan.

Sevinch o'z ta'lim olishini Toshkent davlat yuridik universitetida davom ettiradi. U universitetda biznes huquqi va sud himoyasi yo'nalishida tahsil oladi. U o'z bilimlarini kengaytirish va yangi tajribalar orttirish maqsadida Turkiyaning Anqara shahridagi Ankara Yıldırım Beyazıt Universitetida xalqaro almashinuv dasturida ishtirok etdi. Bu muhim tajriba uning kelajagi uchun juda foydali bo'lib, u turli madaniyatlar bilan tanishish va ingliz tilidagi ta'limdan o'ziga bo'lgan ishonchini oshirishga yordam berdi. Bu tajribasi uni xalqaro ta'lim va imkoniyatlarga qiziqishi bilan yanada kuchaytirdi.

Sevinch G‘afur G‘ulom nomidagi universitet ko‘krak nishoni bilan taqdirlangan. U universitetda o‘tkazilgan “Yil talabasi” tanlovida “Eng faol targ‘ibotchi talaba” nominatsiyasini qo‘lga kiritgan. Hozirda u AYBU Arabuluculuk klubi bilan hamkorlikda Mediatsiya klubining bosh koordinatori sifatida faoliyat yuritmoqda. Shuningdek, Sevinch turli tanlov va xalqaro tadbirlarda, jumladan, AYBU MUN konferensiyasida faol ishtirok etadi. Sevinchning bu jarayondagi ishtiroki ko'plab yosh talabalar uchun namuna bo'ladi.

U bo'sh vaqtida kitob o'qish, ingliz tilini rivojlantirish va yangi bilimlarni o'rganish bilan shug'ullanishni yoqtiradi. Sevinch yangi joylar va odamlar bilan tanishish uchun sayohat qilishga intiladi. U har bir katta natijani kichik bir tashabbusdan boshlanishi mumkinligiga ishonadi va doimo tashabbuskor bo'lishga harakat qiladi. Uning fikricha, bu fazilatlar kelajakdagi muvaffaqiyatiga katta ta'sir ko'rsatadi.

Sevinchning fikricha, lider bo'lish uchun eng muhim fazilat — mas’uliyatdir. U haqiqiy lider faqat boshqalarga yo'l ko'rsatmaydi, balki o‘z qarorlari va jamoasining natijalari uchun javobgarlikni ham o‘z zimmasiga oladi. U tashabbuskor bo'lish va boshqalarga tayanch bo'lish muhimligini anglaydi va shu tamoyillar asosida harakat qiladi.

Sevinchning kelajagi bilan bog'liq maqsadlari juda aniq. U huquq sohasida chuqur bilim va xalqaro tajribaga ega mutaxassis bo'lishni niyat qiladi. Bakalavriat ta’limini tamomlagach, xorijiy universitetlardan birida oliy ta’limdan keyingi bosqichda tahsil olishni rejalashtiradi. U mediatsiya va nizolarni muqobil hal etish yo’nalishidagi xalqaro tajribalarni o’rganishga intiladi va o’zining orttirgan bilim va tajribalarini O‘zbekistonga olib kelishga tayyor.

Sevinch Ramazonova bugun yoshlar o'rtasida muhim bir modelga aylangan. U huquq sohasida o'zining yerida bilim va tajribali mutaxassis bo'lish uchun intiladi, shuning uchun kelajakda O'zbekistonning mediatsiya madaniyatini rivojlantirishga hissa qo'shadi. Uning hayotiy shiori — "Rome wasn’t built in a day" — kelajakdagi muvaffaqiyati uchun motivatsiya sifatida xizmat qiladi. Sevinchning hayoti va faoliyati yoshlar uchun ilhom manbai bo'lib, barcha uchun o'z amallarida mas’uliyatli bo'lishni o'rgatadi.