Rashidova Jasmina Bahodir Qizi

Jasmina 2015-yilda maktabga qadam qo'ygan. 74-umumiy o‘rta ta’lim maktabida 11 yil davomida ta'lim olib, uni oltin medal bilan tamomlagan. Maktab ta’limi paytida ingliz tili yo'nalishida bir necha fan olimpiadalarida 1–2-o‘rinlarni qo‘lga kiritgan.

Hozirda Jahon iqtisodiyoti va diplomatiya universitetining 1-kurs talabasi bo'lib, ushbu oliygohda grant asosida tahsil olmoqda. U 10-sinfga o‘tishi bilan ingliz tili ustozasi sifatida onlayn va oflayn faoliyatini boshlagan va muntazam ravishda mingdan ziyod o‘quvchini o‘qitgan.

Jasmina maqolashunoslik bilan shug'ullangan holda, o'z muallifligida 11 dan ortiq maqolasini Amerika, Argentina va Hindistonning xalqaro sayt va jurnallarida chop etgan. 2025-yildan beri “PixelArt” nomi ostida shaxsiy loyihasini yuritadi va ko‘plab yoshlarga maqolalari yordamida hissa qo'shmoqda.

Jasmina 2024–2025-yillarda Zulfiya nomidagi davlat mukofoti tanlovining viloyat bosqichiga tavsiya etilgan. Muayyan grant tanlovlarida ishtirok etib, grant o‘rinlarini qo‘lga kiritgan. U 2025-yilda o‘tkazilgan “Leaders Of Tomorrow” hamda AQSH hukumati tomonidan o'tkazilgan “CAMLP” xalqaro almashinuv dasturiga qabul qilingan.

Jasmina hayotida oilasi muhim o'rin tutadi. Muvaffaqiyatsizlik paytida otasining “Faqat olg‘a. To‘xtama. Qilichdek o‘tkir bo‘l” va onasining “Qizim, sen o‘qib, bizga dunyoni ko‘rsatishga sababchi bo‘lishing kerak” degan so'zlari unga kuch va motivatsiya beradi.

Bo‘sh vaqtida til o‘rganish, ovoz sozlash mashqlari, turli tadbirlarda ishtirok etish va yugurish musobaqalarida qatnashishni yaxshi ko'radi. U tashabbuskorlik, chiqishuvchanlik va izlanishga intilishni o'zining asosiy fazilatlari sifatida ko'radi.

Uning fikricha, haqiqiy lider o‘z ustida muntazam ishlashi, boshqalarga o‘rnak bo‘lishi va eng to‘g‘ri qarorni qabul qila olishi kerak. Jasmina kelajakda magistratura bosqichida Stanford universitetida o‘qishni maqsad qilgan.

Jasmina Rashidova bugun yoshlar orasida bilim va ma'naviyatni o'zida mujassam etgan bir shaxs sifatida taniladi. Kelajakda ilmiy faoliyatini davom ettirib, xalqaro tanlovlar va konferensialarda ishtirok etishni rejalashtiradi. Uning hayotiy shiori yoshlar uchun motivatsiya manbai bo'lib qolmoqda.