Saitkomolova Lutfiniso Botirjon Qizi

Lutfiniso Andijon viloyati Xo‘jaobod tumanida tug‘ilgan va hozirgacha shu tumanda yashaydi. Bolalik davrida uni atrofdagi insonlarning muammolarini hal qilish va ularga yordam berish qiziqtirgan. Bu borada ta'sir qiluvchi shaxslar oilasi va do‘stlari bo‘lgan.

U Andijon davlat universitetining filologiya fakultetida 2-bosqich talabasidir va ingliz tili yo‘nalishida o‘qiydi. Lutfiniso ingliz va koreys tillarini o‘rganish bilan birga, maktab va tuman fan olimpiadalarida ham ishtirok etgan va shu orqali bilimlarini mustahkamlashga harakat qilmoqda. O‘zbekiston, Ingliz, Rus va Koreys tillarini biladi va ular orqali xalqaro miqyosda muloqot qilish maqsadida o‘rganishni davom ettiradi.

Bo‘sh vaqtida Lutfiniso o‘z shaxsiy blogini yuritadi. Blogida u psixologiya va nevrobiologiya haqida yozadi, shu bilan birga o‘rganayotgan chet tillariga oid turli mavzularda muhokamalar o‘tkazadi. U o‘zingizni rag‘batlantirish va o‘rganish jarayoni davomida o‘zini rivojlantirishga e'tibor beradi.

Saitkomolova Lutfiniso 2024-yilda milliy sertifikatlarga ega bo‘lib, qizil attestatsiya bilan taqdirlangan. Universitetda "Zakovat" intellektual o‘yinlarida ishtirok etishi, maktab va tuman fan olimpiadalarida muvaffaqiyatli qatnashishi, shuningdek, Qizlar akademiyasining turli kurslarini tamomlagani orqali o‘z malakasini takomillashtirgan.

U 20 yoshgacha moliyaviy erkin bo‘lishni rejalashtirmoqda. Buning uchun 6 yil ichida erkin muloqot qila olish, grant va stipendiyalar yutish, magistraturani chet eldagi nufuzli universitetlarda o‘qishni rejalashtiradi. Shuningdek, xalqaro forumlarda qatnashib, o‘z qobiliyatlarini namoyon qilishni maqsad qilgan.

Lutfinisoning hayotiy shiori "Agar xohlasam, hammasi mumkin va bo‘ladi". U inonch bilan hayotning har bir daqiqasini qadrlaydi, «Har kimning o‘z vaqti bor, muhim shundaki, o‘sha vaqt kelguncha o‘sishdan to‘xtamaslik” deb biladi. Liderlikda esa intizom va mas’uliyat muhim fazilatlar deb hisoblaydi.

Hozirda Lutfiniso o‘zining maqsadlari yo‘lida samarali ishlamoqda va o‘rganishga bo‘lgan ishtiyoqi bilan kelajakda yutuqlarga erishish uchun barcha imkoniyatlarni ishga solmoqda. U o‘zi kabi ko‘plab yoshlar uchun ilhom manbai bo‘lishni, ularga o‘ziga ishonishni va orzularini amalga oshirish uchun harakat qilishni o‘rgatishga intiladi.