Shaymardonova Sabina Bahrom Qizi

Sabina Bahrom qizi 2008-yil 29-aprel sanasida O‘zbekistonning Qashqadaryo viloyati Yakkabog‘ tumanida tug‘ilgan. U yoshligidan oila va atrof-muhit ta’sirida bilimni qadrlashni, o’zini rivojlantirishni o’rgangan. Bolalik davrida u sportga qiziqish bilan qaragan va bu qiziqish uning shakllanishida muhim o’rin tutgan. Hozirda esa Toshkent shahri Olmazor tumanida istiqomat qiladi.

Sabina 40–102-umumiy o‘rta ta’lim maktabida tahsil olgan. Maktab davrida u nafaqat joriy ta’limdan, balki liderlik qobiliyatlarini rivojlantirishga ham e’tibor qaratgan. U 11-sinfgacha o‘z sinfining sardori bo‘lib, o‘z do‘stlari va sinfdoshlarining hurmatini qozongan. Maktabda qatnashgan ko‘plab tanlovlar va konkurslar orqali o‘z qobiliyatlarini namoyish etgan.

Sabina 2026-yil davomida faoliyatini boshlab, UzJoki universitetining siyosatshunoslik yo‘nalishida bakalavr ta’limini davom ettirmoqda. U o‘zining bilimlarini kengaytirishga, xalqaro munosabatlarni o‘rganishga, zamonaviy siyosat, bu borada turli tadbirlar va seminarlarda ishtirok etishga intilmoqda. U ilmiy faoliyatni ham davom ettirishga tayyor.

O‘zbekiston bolalar tashkilotida 2 yil davomida Yakkabog‘ tumani bosh sardori bo‘lib, bolalar va yoshlar orasida liderlik qobiliyatlarini rivojlantirishga oid ko‘plab loyihalarni amalga oshirgan. U o‘z faoliyati davomida ko‘pgina seminarlarda qatnashgan va chet elda o‘qish uchun grantlar yutgan. U aktiv holda volontyorlik faoliyatini olib boradi.

U ingliz tili bo‘yicha B2 sertifikatiga ega va «Turon teatri»ning viloyat bosqichida 3-o‘rinni egallashga muvaffaq bo‘lgan. Sabinada 8–18 yoshdagi bolalar uchun 25 dan ortiq loyiha mavjud. U sport bilan shug‘ullanishda yana bir muvaffaqiyatga erishib, 9 yoshidan buyon gimnastika va 5-sinfligidan buyon esa taekvondo bilan shug‘ullanmoqdadir.

Sabinaning hayotiy prinsipi: "Bilimingiz — sizning ichki kuchingiz. Obro‘yingiz — odamlar shu kuchni qanday qabul qilishidir." U o‘zining ishonchiga va ilmiy malakasiga tayangan holda, u kelajakda xalqaro munosabatlar sohasida yuqori malakali diplomat bo‘lib, mamlakatni xalqaro maydonda namoyon etishga intilmoqda.

Sabina o‘zining kelajakdagi maqsadlarini belgilagan: BMT tizimida faoliyat yuritib, xalqaro tinchlik, ta’lim, bolalar va insonparvarlik masalalariga hissa qo‘shadigan xalqaro vakil darajasiga yetish. Audrey Hepburnning UNICEFdagi faoliyati uning ilhom manbalaridan biridir. Yetarli malakaga ega bo‘lish uchun esa ingliz tilini yuqori darajada egallashga, ikkinchi xorijiy tilni o‘rganishga va xalqaro loyihalarda faol qatnashishga intilgan.

Sabina boshqalariga qat’iyatlilik, o’z ustida ishlash va imkoniyatlardan foydalanishni tavsiya qiladi. Uning fikricha, har bir muvaffaqiyat ortida doimiy mehnat, intizom va o‘ziga bo‘lgan ishonch turadi. U liderlik faqat boshqalarga yo‘l ko‘rsatish emas, balki avvalo o‘ziga talabchan bo‘lish, mas’uliyatni o‘z zimmasiga olish va atrofdagilarga foyda keltirish ekanini o‘z tajribasi orqali ko‘rsatmoqda.

Sabina Bahrom qizi o‘zining bugungi faoliyatida ko‘plab ulkan orzular va maqsadlarga erishishda davom etmoqda. Xalqaro munosabatlar sohasida, diplomat sifatida O‘zbekistonni namoyon etishni maqsad qilib, u harakatlarini davom ettiradi. Bo‘sh vaqtlarda kitob o‘qish, sport va bilimlarni rivojlantirish orqali kelajagi uchun poydevor yaratib, yosh avlodga o‘z shaxsiy misolida ilhom beruvchi yetakchi bo‘lishga intilmoqda.