Shomurodova Dilafro'z Bahodir Qizi

Shomurodova Dilafro‘z Bahodir qizi bolaligida, ayniqsa, oilaviy muhitda ilmga bo‘lgan qiziqishi va intilishi shakllanishida ota-onasining mehr-muhabbati, qo‘llab-quvvatlashi va unga bildirgan ishonchi muhim o‘rin tutgan. Ota-onasining ko‘magi va rag‘bati tufayli u har qanday qiyinchilikni sabr-toqat bilan yengib o‘tishni hamda o‘z maqsadlari sari qat’iyat bilan intilishni o‘rgangan.

Dilafro'z Sariosiyo tumanidagi 41-sonli umumta’lim maktabida tahsil olgan. Maktab yillarida u bilim olish, fan olimpiadalari va turli tanlovlarda qatnashishga katta qiziqish bilan yondoshgan. Bu davrda o‘zining ilmiy va ijodiy salohiyatini rivojlantirishga harakat qilgan.

Denov tadbirkorlik va pedagogika institutida O‘zbek tili va adabiyoti yo‘nalishida 2-bosqich talabasi sifatida ta’lim olmoqda. Bu yerda u zamonaviy ta’lim usullaridan foydalanib, o‘z bilimlarini yanada chuqurlashtirishga intilmoqda. Ilm yo‘lidagi izlanishlari va mehnatlarining muhim natijalaridan biri — grant asosida tahsil olish imkoniyatiga ega bo‘lganidir. Bu yutuq u uchun nafaqat quvonch, balki yanada katta maqsadlar sari intilish va bilimlarini oshirish yo‘lidagi mas’uliyat hamdir. U grantni shunchaki ta’lim imkoniyati emas, balki mehnatiga berilgan e’tirof, orzulariga eltuvchi yo‘l va oilasi ishonchini oqlash uchun muhim rag‘bat sifatida qadrlaydi. Shuningdek, u O‘zbekiston Xalq demokratik partiyasi a’zosi hisoblanadi. Jamoat ishlarida faol ishtirok etib, talabalarga yordam berish, ularning muammolariga yechim topish hamda turli imkoniyatlardan samarali foydalanishlariga ko‘maklashishga intiladi.

Dilafro'z universitetda o‘zbek tili va adabiyotini o‘rganishni, ilmiy izlanishlar olib borishni o‘zining asosiy faoliyati sifatida belgilaydi. Mavzulari orasida 'O‘zbek tilining lingvokognitiv o‘rganish muammolari' va 'O‘zbek tili va adabiyoti: milliy tafakkur fenomeni va global integratsiya jarayonlari' mavjud.

U 70 dan ortiq sertifikat sohibasi bo‘lib, turli tanlovlarda g‘oliblikni qo‘lga kiritgan. Eng kattalaridan biri - 'Mustaqillik-35' grantida 15 mingdan ortiq ishtirokchi orasidan tanlangan 100 nafar g‘olib sahnasiga chiqishi bo‘ldi. Bu yutuq uning mehnatini yuqori baholash va keyingi izlanishlariga motivatsiya beradi.

Uning hayotiy shiori - 'Ilm bilan yuksal, mehnat bilan tanil, ezgu amallaring bilan iz qoldir!' Dilafro'z hayotda muvaffaqiyating haqiqiy kaliti izlanish, sabr va mehnat ekanligiga ishonadi.

Bo‘sh vaqtida u kitob o‘qishga, ilmiy maqolalar yozishga va tennis bilan shug‘ullanishga ko‘proq vaqt ajratadi. Shuningdek, xorijiy tillarni o‘rganishga katta qiziqish bildiradi hamda badiiy va ilmiy adabiyotlar mutolaasini muntazam davom ettiradi. Bundan tashqari, u milliy hunarmandchilik va ijodiy ishlarga ham alohida qiziqish bilan qaraydi. Tikuvchilik, pazandalik, to‘qish hamda turli buyumlar yasash kabi hunarlarni biladi. Yangi narsalar yaratish, oddiy buyumlardan o‘ziga xos va chiroyli mahsulotlar tayyorlash unga zavq bag‘ishlaydi. Ushbu mashg‘ulotlar unda did, sabr-toqat, aniqlik va ijodkorlik kabi fazilatlarni rivojlantirgan. Uning fikricha, insonning haqiqiy salohiyati nafaqat bilimida, balki o‘z qo‘li bilan yaratgan ijodiy ishlarida ham namoyon bo‘ladi.

Dilafro'zning fikricha, lider bo‘lish uchun mas’uliyat va boshqalarga namuna bo‘lish muhimdir. U insonlarni rivojlantirish va jamiyatga foyda keltirish uchun liderlik fazilatlarini tarbiyalashga qaratilgan.

Dilafro‘z ilmiy faoliyati davomida ko‘plab maqolalar yozgan. Jumladan, «O‘zbek tilining lingvokognitiv o‘rganish muammolari» hamda «O‘zbek tili va adabiyoti: milliy tafakkur fenomeni va global integratsiya jarayonlari» kabi mavzularda ilmiy izlanishlar olib borgan. Maqolalari orqali ona tilining boy imkoniyatlarini o‘rganish, milliy tafakkurni ilmiy jihatdan tahlil qilish va o‘zbek tilining zamonaviy taraqqiyot jarayonlaridagi o‘rnini yoritishga intiladi.

Dilafro‘zning kelajakdagi maqsadi — o‘zbek tili va adabiyoti sohasida yetakchi tadqiqotchi bo‘lib yetishish, ilmiy salohiyatini yanada oshirish hamda xalqaro ilmiy loyihalarda faol ishtirok etishdir. U o‘z maqolalarini nufuzli ilmiy nashrlarda chop ettirish, yosh avlodga ta’lim berish va ularning bilim hamda tafakkurini rivojlantirishga hissa qo‘shishni maqsad qilgan. Shuningdek, Zulfiya nomidagi Davlat mukofoti kabi nufuzli e’tiroflarga munosib bo‘lish, o‘z faoliyati va yutuqlari bilan yurtimiz yoshlariga namuna ko‘rsatishni istaydi. U erishayotgan har bir natijasini yangi imkoniyatlar sari tashlangan muhim qadam deb biladi.

Shomurodova Dilafro'z Bahodir qizi bugungi kunda o‘z ilmiy faoliyatini davom ettirib, kelajakda o‘zbek tili va adabiyotini rivojlantirishga buyuk hissa qo‘shishni maqsad qilmoqda. U har bir insonning o‘z malakasini oshirish va jamiyatga boylik keltirishda o‘z hissasini qo‘shishdan ishonadi. Bilim va mehnatni bosh maqsadi sifatida belgilagan u, bundan keyingi faoliyatida ham yuksak marralarni zabt etishga intiladi.