Sulaymonova Laziza Shuxratovna

Laziza Buxoro shahrida tug‘ilgan. Buxoro o‘zining boy madaniyati va qadimiy tarixi bilan mashhur shaharlardan biridir. U bolaligidanoq adabiyotga qiziqish bildirgan. Uning aytishicha, ota-onasi doimo bilim olishga bo‘lgan intilishini qo‘llab-quvvatlab, qiziqishlari va iste’dodini rivojlantirish uchun zarur sharoitlarni yaratib berishgan. Ularning mehr-muhabbati va ishonchi Lazizaning o‘z oldiga yuksak maqsadlar qo‘yishiga turtki bo‘lgan. Laziza esa ota-onasining ishonchini oqlash, orzulariga erishish va jamiyatga foydasi tegadigan inson bo‘lib yetishishni o‘z oldiga maqsad qilib qo‘ygan.

O'qish jarayonida Laziza Buxoro shahrida joylashgan 33-maktabda 1-7-sinfda ta'lim olgan. 8-sinfga o'tganida esa Buxoro shahridagi 42-IDUMga o‘qishga o'tgan. Maktabdagi faoliyati davomida u ko‘plab fanlardan yuqori baholarga ega bo'lgan va 2025-yilda maktabni a’lo baholarda (5 bahoda) oltin medal bilan tamomlagan. Mazkur ta’lim muassasasida o‘qish uning til o‘rganishdagi qiziqishini yanada kuchaytirgan.

Koreys tilini o‘rganishni Laziza COVID-19 karantini davrida boshladi. Bu vaqtda u mustaqil ravishda onlayn tahsil olib, keyinchalik yaxshi koreys tili o‘qituvchisining darslariga qatnashgan. Uning koreys tiliga bo‘lgan qiziqishi dastlabki bosqichdan boshlab ortgan. Aytishicha, u 15 yoshida TOPIK 4 darajasini 184 ball bilan olgan. Bu natija, u bir yil davomida o‘quvchilarga koreys tilidan dars berishiga sabab bo‘lgan. U 2-kursdan boshlab ingliz tilini o‘qituvchisi sifatida ishlashni rejalashtirishadi.

Laziza koreys tilidan o‘quvchilarga dars berish jarayonida muvaffaqiyatlarga erishib, o‘z bilim va qobiliyatlarini yanada rivojlantirishga intilgan. U 2021-yilda International Korean Education Youth Camp dasturida ishtirok etib, sertifikat bilan taqdirlangan. 2023-yilda Global Hanbok Foto Contest tanlovida 6-o‘rinni, 2024-yilda esa Incheon ta’lim festivalida 5-o‘rinni egallagan. Shuningdek, ushbu festivaldagi yutug‘i evaziga Janubiy Koreyaning mashhur Seul, Incheon va Busan shaharlariga bepul sayohat qilish imkoniyatini qo‘lga kiritgan. Laziza xorijiy tillar bilan bir qatorda boshqa fanlarni ham puxta o‘zlashtirishga alohida e’tibor qaratgan. U ingliz tilidan CEFR B2 darajasidagi sertifikat hamda IELTS 6.5 natijasiga ega. Bundan tashqari, ona tili va adabiyot fanidan A darajali, matematikadan C+ darajali, tarix fanidan esa C darajali milliy sertifikatlarni qo‘lga kiritgan. Ushbu yutuqlar uning bilim olishga bo‘lgan intilishi, tirishqoqligi va o‘z ustida muntazam ishlashining natijasidir.

Laziza kelajakda IELTS natijasini yuqori darajalarga (8.0–8.5) olib chiqishni rejalashtirmoqda. 2-kursdan boshlab yana o‘qituvchilik qilishni boshlamoqchi va yetarlicha tajribaga ega bo‘lgach, o‘zining shaxsiy o‘quv markazini ochmoqchi. 4 yillik bakalavr ta’limini tamomlab, magistraturada o'qishni ham xohlaydi, qizg‘in istagi esa magistraturani Britaniya yoki Koreyada tahsil olishdir.

Laziza har doim orzularidan voz kechmaslikni va muvaffaqiyatga erishish uchun tinimsiz izlanishni maslahat beradi. Uning hayotiy shiori: “Hech qachon orzularingdan voz kechma! Har bir katta muvaffaqiyat kichik bir qadamdan boshlanadi. O‘zingga ishon, tinimsiz izlan va mehnat qil. Chunki bugungi harakating — ertangi muvaffaqiyating poydevoridir.” U shuningdek, "Take the risk or lose the chance" iborasini ilhom manbai sifatida qabul qiladi.

Hozirgi kunda Laziza, chet tillariga bo'lgan kuchli qiziqishi va ishlashga bo'lgan qayg'usi bilan kelajakda yuksak muvaffaqiyatlarga erishishga intilmoqda. U ta'limda yaqin kelajakda o‘z yutuqlari va ish natijalarini yanada kengaytirishni maqsad qilmoqda. Respublikamizning ta’lim tizimiga qo'shgan hissasi bilan u ko'plab yoshlarning ilhom manbai bo'lishi ko‘nglida.