Sultonova Mohira Qurbonali Qizi

Mohira 2008-yil 30-iyunda Toshkent viloyati, Yuqori Chirchiq tumanida dunyoga kelgan. Uning bolalik davri, oilasi va yashash muhiti uning tarbiyasida muhim o‘rin tutgan. U xushmuomala va o‘qishga qiziqqan bola sifatida tanilgan. Bolaligidan kitob o‘qishni, yangi bilimlarni o‘rganishni yoqtirgan va badiiy adabiyotga qiziqishi kuchaygan. Mohiraning ota-onasi moliyaviy jihatdan yordam berishga doim tayyor bo‘lgan va ularni ruhiy jihatdan qo‘llab-quvvatlashgan.

Mohira 2024-yilda Parkent tumanidagi o‘quv markazida DTM imtihonlariga tayyorlangan. Ona tili va ingliz tili fanlaridan avvaldan bilim bazasi bo‘lganligi sababli, u har ikki fandan ham 100 foizlik sertifikatlarni qo‘lga kiritgan. Uona tili va adabiyot fanidan A darajalidagi milliy sertifikatga erishgan, ingliz tilidan esa B2 darajasini qo‘lga kiritgan. Ustozlarining yordami bilan o‘qishdagi yutuqlari kelajakda oliy ta’lim olish rejalarida muhim ahamiyatga ega bo‘lgan.

Mohira o‘qishdagi muvaffaqiyatlari uchun Parkent tumanidagi repetitor ustoziga katta rahmat aytadi. Ustozining sabr-toqati va qat'iyati uning ilm olishiga va kelajakka nisbatan ishonchli bo‘lishiga yordam bergan. Ustozining qo‘llab-quvvatlashi, oilaviy qiyinchiliklar paytida moddiy yordam ham ulg‘ayishida muhim omil bo‘lib xizmat qilgan. Mohiraning hayotidagi bunday yordamlar uning kelajakdagi maqsadlariga erishishida zamin yaratgan.

U dono xalqimizdagi «Qalovini topsang, qor yonadi» naqlini hayotiy prinsiplaridan biri deb biladi. Bu naql unga har doim har qanday qiyinchiliklardan o‘tish uchun kuch va ilhom beradi. Mohira, maqsadlariga erishish yo‘lidagi barcha imkoniyatlardan foydalanish, amaliyotda kuchli ishtirok etish va har xil vaziyatlarda jamoa bilan ishlashga harakat qiladi. Uning fikricha, har bir insonning e'tiborini qozonish va jamoada omon saqlanish liderlikning muhim jihatlaridir.

Bo‘sh vaqtida Mohira saytlardagi yangiliklarni mutolaa qiladi, internet ijtimoiy tarmoqlaridagi ilmiy podkastlarni kuzatib boradi va badiiy adabiyotlarni o‘qiydi. Bu harakatlar uning fikrini kengaytiradi va unga yangi g‘oyalarni beradi. Badiiy adabiyotlarni o‘qish orqali u nafaqat qiziqishini qondirmoqda, balki yosh avlodga xos bo‘lgan ijodiy fikrlashni rivojlantirmoqda.

Kelajakda Mohira bir qator xorijiy tillarda o‘z ona tilidek so‘zlashishni, Germaniyada oliy ta’lim olishni, jahon standartidagi kadr bo‘lishni va ko‘plab ilmiy maqolalar chiqarishni maqsad qilgan. U tinimsiz o‘rganmoqda va katta maqsadlari yo‘lida harakat qilishni to‘xtatmaydi. Uning fikricha, har bir insonning maqsadi va rejalari bo‘lishi kerak va ular o‘zlariga qo‘yilgan maqsadni bajarishga harakat qilishlari lozim.

Sultonova Mohira Qurbonali qizi, o'zining bilim va sahnadagi ishtiroki bilan nafaqat o'ziga, balki atrofidagi insonlarga ham ilhom manbai bo'lishni istaydi. Uning harakatlari va maqsadlari, yosh avlodga ko‘plab o‘rnaklarni ko‘rsatmoqda. Mohira, o'zining kelajakda olib boradigan faoliyati orqali jahon standartlarida bir kadrga aylanish niyatida, oldinga intilishni davom ettiradi.