To'ychiyeva Sevinch Ulug'bek Qizi

To'ychiyeva Sevinch o'z ta'limini Qashqadaryo viloyati G'uzor tumanidagi 71-maktabda boshlagan. Ingliz tiliga juda qiziqib qolganidan so'ng, 7-sinfdan boshlab shu tumandagi 77-sonli davlat ixtisoslashtirilgan maktab-internatida o'qishini davom ettirgan. Bunday o'qish varianti uning ingliz tili bilimini yanada chuqurlashtirishga yordam berdi. Hozirda Mirzo Ulug'bek nomidagi O'zbekiston Milliy universitetida Xorijiy til va adabiyoti yo'nalishida bakalavriat talabasi sifatida faoliyat yuritmoqda.

Sevinch ingliz tilidan B2 darajali, ona tilidan B+ darajali hamda matematikadan B darajali milliy sertifikatlarga ega. U "Zakovat" intellektual o'yinida respublika bosqichigacha chiqqan, ko'plab sertifikatlar va turli fanlardan olimpiadalarda faxriy o'rinlarni egallagan. Bu yutuqlar uning bilim olishga bo'lgan ishtiyoqini yana-da oshirib, kelajakdagi maqsadlarining ustida ishlashga undagan.

Sevinchning hayotida otasining motivatsiyalari muhim ta'sir ko'rsatgan. Uning shiori: «Men boshqalardan o‘zib ketish uchun emas, kechagi o‘zimdan yaxshiroq bo‘lish uchun yashayman». Sevinch liderlik to'g'risida shunday fikrga ega: "Lider bo'lish uchun eng muhim fazilatlar mas'uliyat va o'ziga ishonchdir. Men boshqalardan ustun bo'lish uchun emas, boshqa bilan birgalikda yuksalish uchun yetakchilik qilaman».

Bo'sh vaqtida Sevinch ko'proq badiiy kitob o'qiydi, yangi til o'rganishga harakat qiladi, musiqa eshitadi, rasm chizadi va ba'zan kino ko'radi. Rasm chizishga yoshligidan qiziqadi va bu uning eng sevimli hobbisi hisoblanadi. Bundan tashqari, pianino chalishni ham yoqtiradi va 1 yil davomida pianino chalishga o'rganadi.

U kelajakda chet elda o'qish va malaka oshirishni, shuningdek, sayohat qilishni rejalashtiradi. Chet elda olingan bilimlarini o'z yurtiga qaytib ulashishni va o'z sohasining yetuk kadri bo'lishni maqsad qilgan. Sevinch o'ziga shunday maqsad qo'yadi: boshqalar undan o'ziga ishonch, mas'uliyat, his qilish va qiyinchiliklar oldida taslim bo'lmaslikni o'rganishlari mumkin.

Sevinch yoshlar uchun bunday maslahat beradi: "Orzu qilishdan qo‘rqmang, maqsadingiz sari dadil qadam tashlang, chunki buyuk kelajak bugungi harakatlaringizdan boshlanadi. Bugun o‘zingizga ishoning, imkoniyatlardan foydalaning va kelajakni kutmang — uni o‘z qo‘llaringiz bilan yarating!"

To'ychiyeva Sevinch Ulug'bek qizining bugungi yoli o'z kasbiga qiziqish, intilish va maqsadlar bilan to'la. U chet elda o'qib, o'zini malakali mutaxassis sifatida ko'rsatishni orzu qilmoqda. U o'zining bilimlarini O'zbekiston kelajagiga sarflagan holda, jamiyatga foydali bo'lishni maqsad qilmoqda.