Turayeva Marjona Yusuf Qizi

Turayeva Marjona Yusuf qizi 2007-yil 6-oktabrda Qashqadaryo viloyati Qarshi shahrida tug‘ilgan. Marjona bolaligidan bilim olishga intilgan va ota-onasining qo‘llab-quvvatlashi bilan ilmga bo‘lgan qiziqishini rivojlantirgan. U Yakkabog‘ tumani 32-maktabda tahsil olgan. Maktab davrida o‘z iqtidorini namoyon etib, turli ilmiy tadbirlarda ishtirok etgan. Uning til sohasiga bo‘lgan qiziqishi, ayniqsa, maktab yillarida boshlangan.

Hozirda u O‘zbekiston jurnalistika va ommaviy kommunikatsiyalar universitetining Xalqaro munosabatlar va ijtimoiy-gumanitar fanlar fakultetining o‘zbek tili va adabiyoti yo'nalishi 2-bosqich talabasi sifatida istiqomat qilmoqda. Taʼlim jarayonida Marjona tilshunoslik borasida qo‘lga kiritilgan yutuqlarini davom ettirib, o‘z bilimini kengaytirishga intiladi. U tilshunoslik yo‘nalishiga oid 2 ta maqolasini muvaffaqiyatli nashr ettirgan. Shuningdek, yana 2 ta maqolasi nashrga tayyor!

Marjona, 2025–2026-o‘quv yilida, Jadidlar assotsiatsiyasi tomonidan etakchi institutda “Yil talabasi” ko‘krak nishoni sovrindori bo‘lgan. Bu mukofot nafaqat uning taʼlimdagi yutuqlari, balki ko‘plab ijtimoiy tadbirlarda faol ishtirok etishi bilan bog‘liq. Shuningdek, ona tili va adabiyoti hamda ingliz tili fanlaridan milliy sertifikatlarga ega. U, universitet ichida o‘tkazilgan musobaqalarda ham, faxrli yoki o‘rinlarni egallagan.

Marjona o‘zi uchun muhim bo‘lgan shaxslar sifatida unutilmas ota-onasini taʼkidlaydi. Ularning o‘git va maslahatlari, hayotining har bir onida muhim rol o‘ynadi. Uning fikricha, lider bo‘lish uchun kerak bo‘lgan eng muhim fazilat — qat’iyatdir. U, hayotida muvaffaqiyatga erishishda, har doim o‘z imkoniyatlaridan foydalanayotganiga ishonadi.

Kelajakda Marjona yetuk pedagog bo‘lish va o‘z sohasining bilimdon mutaxassisi sifatida shakllanishni orzu qiladi. U nafaqat o‘quvchilarga bilim beradigan, balki ularning qalbiga yo‘l topadigan, mustaqil fikrlashga undaydigan va o‘z orzulariga ishonishlariga yordam beradigan ustoz bo‘lishni maqsad qilgan. Shuningdek, jamiyatga foyda keltirish, yoshlarni bir maqsad sari birlashtirish, ularga ilhom berish va yangi imkoniyatlar yaratish ham uning kelajakdagi maqsadlaridandir.

Marjona yoshlar uchun tarbiyalovchi maslahatlar beradi: "O‘z orzularingizdan qo‘rqmang, o‘zingizga ishoning, imkoniyatlarni kutmang, o‘zingiz yarating. Har bir kichik qadam katta muvaffaqiyatga olib boradi!" U o‘zi kabi yoshlarni motivatsiya qilib, kelajakda o‘z xalqiga xizmat qilishga, va shuning evaziga odamlar, o‘zbekistonliklar uchun namuna bo‘lishni maqsad qilmoqda.

Turayeva Marjona Yusuf qizi o‘zining ilmiy va ijodiy faoliyatida kuchli motivatsiyaga hamda orzulariga qattiq ishonchga ega. U kelajakda pedagog sifatida o‘z bilimini va tajribasini boshqalarga o‘rgatishga tayyor va buning uchun doimo o‘z ustida ishlashda davom etmoqda. Marjona o‘zining pitlarida qatnashish va boshqalarga ham ilhom berish imkoniyatlarini tadbiq etishga tayyor, shundan kelajakda nafaqat o‘z, balki yosh avlodning taqdirini ham o‘zgartirishi kutilmoqda.