Umarova Gulnur Baxodir Qizi

Umarova Gulnur 2008-yil 1-sentabrda Toshkent shahrida tug‘ilgan. Boshlangʻich taʼlimni 4-maktabda 1-7 sinfgacha oʻqigan. Kamalak sardori va yetakchi oʻquvchilardan biri boʻlgan. Keyinchalik imtihon asosida Zangiota tumani ixtisoslashtirilgan maktabida 8-11 sinfgacha tahsil olgan. Vatan tayanchi, Doʻstlik elchisi kabi koʻkrak nishoni sohibasi. Bundan tashqari Eco&IT& Medisina sohasida volontyor boʻlib faol qatnashgan. Matematikaga bo‘lgan qiziqishi sababli «ZTIM»da aniq fanlar yo‘nalishida tahsil olib, bilim va ko‘nikmalarini yanada rivojlantirgan. Hozirda Chirchiq davlat pedagogika universiteti Pedagogika fakultetining 1-kurs talabasi sifatida ta’limini davom ettirmoqda.

Gulnur yoshligidan sportga qiziqishi liderlik qobiliyatini shakllantirishga hamda koʻplab yutuqlarga erishishiga yordam bergan. U 7–10-sinflarda tahsil olgan davrida voleybol va tennis bilan faol shug‘ullangan. Sportga bo‘lgan qiziqishi, tezkorligi va mahorati uning jamoaviy musobaqalarda muvaffaqiyat qozonishiga xizmat qilgan. Xususan, voleybol bo‘yicha maktab, tuman va viloyat bosqichlarida jamoasi bilan 1- va 2-o‘rinlarni egallagan. Ushbu yutuqlar uning sportga bo‘lgan intilishi, jamoada ishlash ko‘nikmasi va muntazam mashg‘ulotlarga bo‘lgan mas’uliyatini namoyon etadi.

Gulnur yoshligidan volontyorlik faoliyatiga alohida qiziqish bildirib, bir qator xalqaro volontyorlik tadbirlarida ishtirok etib kelgan. Faolligi va tashabbuslari uchun «Do‘stlik elchisi» hamda «Vatan tayanchi» ko‘krak nishonlari, shuningdek, turli tashakkurnomalar bilan taqdirlangan. U volontyorlik orqali tajriba almashish, boshqalarga ko‘mak berish va jamiyatga foyda keltirishni muhim deb biladi. Ijtimoiy loyihalardagi ishtiroki esa ta’limni rivojlantirish va yoshlarni qo‘llab-quvvatlashga bo‘lgan intilishini namoyon etadi.

Hozirgi vaqtda Gulnur CHDPU universitetining Pedagogika fakultetida tahsil olmoqda. U kelajakda ta’lim sifatini oshirish, o‘quv dasturlarini zamonaviy talablar asosida takomillashtirish va ta’lim sohasida yangi islohotlarni amalga oshirishni maqsad qilgan. Shuningdek, u prezident va nomdor stipendiyalarni olishni hamda Yevropada taʼlim olib, taʼlim tizimini va madaniyatlarini oʻrganishni rejalashtirmoqda. Gulnurning eng katta orzularidan biri — BMT tizimida faoliyat yuritish va ta’lim sohasida xalqaro hamkorlik hamda diplomatik aloqalarni rivojlantirish. Ushbu maqsadlariga erishish yo‘lida u muntazam ravishda bilim va ko‘nikmalarini oshirib, yangi imkoniyatlarni izlamoqda.

Gulnurning liderlik haqidagi qarashlari ishonch, mas’uliyat, boshqaruv qobiliyati va doimiy rivojlanishga intilish kabi muhim tamoyillarga asoslanadi. Uning fikricha, lider nafaqat vazifalarni taqsimlaydigan va ko‘rsatmalar beradigan, balki jamoa a’zolarini yagona maqsad sari birlashtirib, ularning fikr va tashabbuslarini qo‘llab-quvvatlaydigan insondir. Gulnur rahbarning eng muhim fazilatlaridan biri ishonch uyg‘ota olish qobiliyati, deb hisoblaydi. Chunki jamoa rahbariga chin dildan ishonsa, uning ortidan nafaqat majburiyat yuzasidan, balki umumiy maqsadga erishish istagi bilan ham ergashadi. Shu bois, uning nazarida, haqiqiy liderning muvaffaqiyati jamoada o‘zaro ishonchni shakllantirish va birgalikdagi sa’y-harakatlar orqali samarali natijalarga erishishdir.

Gulnun Umarova bugungi kunda ulkan maqsad va ezgu orzular sari intilib, o‘z ustida muntazam ishlamoqda. U ta’lim sohasida rivojlanishga hissa qo‘shish va yosh avlod uchun yangi imkoniyatlar yaratishni o‘z oldiga maqsad qilib qo‘ygan. Bo‘lajak pedagog sifatida o‘z kasbini chuqur o‘rganish, bilim va tajribasini oshirishga intilayotgan Gulnurning eng katta orzularidan biri — BMT yoki PA tizimida faoliyat yuritish hamda xalqaro miqyosda ta’lim sohasidagi hamkorlikni rivojlantirishga hissa qo‘shishdir. Kelajakda u ta’lim tizimiga zamonaviy islohotlarni joriy etish, o‘quvchilar uchun yangi imkoniyatlar yaratish va o‘z bilim hamda tajribasi orqali boshqalarga yordam berishni istaydi.