Urozova Chexrona Kamol qizi

Chexrona turizm va mehmondo‘stlik sohasida tahsil oladi. U turizm sohasidagi faoliyatini sayohat qilish va yangi joylarni kashf etishga bo‘lgan qiziqishi sabab boshlagan. Dastlab bu sohaga qiziqish sifatida kirib kelgan bo‘lsa, keyinchalik turizmning imkoniyatlarini chuqurroq o‘rganib, o‘z faoliyatini rivojlantirishga qaror qilgan.

Uning hayotiga eng katta ta’sir qilgan insonlardan biri — ota-onasi. U ota-onasining mehnatsevarligi, mas’uliyatliligi va har qanday vaziyatda oldinga intilishi bilan motivatsiya olgan. Chexrona qiyinchiliklardan qo‘rqmaslikni, o‘z ustida ishlashni va atrofdagilarga foydali bo‘lishni qadrlaydi. Uni «Har kuni kechagidan yaxshiroq bo‘lish» shiori ilhomlantiradi.

U hozirgi kunga qadar 4 ta sertifikat sohibi bo‘lib, o‘z bilim va ko‘nikmalarini davomiy ravishda oshirib bormoqda. Bo‘sh vaqtlarida tillarni o‘rganishga katta e’tibor beradi. Ayniqsa, ingliz tili bo‘yicha bilimlarini rivojlantirib, yangi so‘z va iboralarni o‘rganish bilan shug‘ullanadi.

Uning kelajakdagi asosiy maqsadi — turizm sohasida yetuk mutaxassis bo‘lish va yurtimiz turizmini rivojlantirishga o‘z hissasini qo‘shish. U xorijiy tillarni, ayniqsa ingliz tilini mukammal o‘rganib, xalqaro tajriba orttirishni, yoshlar uchun yangi imkoniyatlar yaratadigan faol va mas’uliyatli lider bo‘lishni istaydi.

Uning hayotidagi asosiy prinsipi doimo o‘rganish, qiyinchiliklardan qo‘rqmaslik va o‘z oldiga qo‘ygan maqsadlari sari qat’iyat bilan harakat qilishdir. U qilayotgan ishi orqali jamiyatga foyda keltirishga intiladi.

U yoshlarni o‘z orzulariga ishonib, maqsadi sari dadil qadam tashlashga chaqiradi. Boshqalar undan mas’uliyatli bo‘lish, maqsad sari qat’iyat bilan intilish va doimo o‘z ustida ishlashni o‘rganishlari mumkin.

Chexrona kelajakda o‘z bilim va imkoniyatlaridan nafaqat shaxsiy rivoji, balki jamiyatga foyda keltirish uchun ham foydalanishni istaydi. O‘z orzulariga erishishda qat’iyatli bo‘lib, avvalambor qiyinchiliklarga duch kelishidan tug‘ilishiga umid qiladi.