Xaitbayev Davronbek Abdurasul O'g'li

Xaitbayev Davronbek bolaligida Jizzax viloyatida, o‘zining tug‘ilgan Baxmal tumanida o‘sgan. Yoshligidan kitoblarga qiziqib, aytishicha, eng ko‘p o‘qigan asarlar orasida detektiv yozuvchi Komil Sindorov va Agata Kristining asarlari bor. Ularning qiziqarli va hayajonli hikoyalari uning fikrlarida o‘z o‘rnini topgan.

Hozirda Davronbek Toshkent davlat yuridik universitetida bakalavr bosqichida o‘qiydi. U yurisprudensiya, xususan, xalqaro huquq va qiyosiy huquqshunoslik yo‘nalishida ta'lim oladi. Ta'lim jarayonida u o‘zini har tomonlama rivojlantirishga harakat qilmoqda.

Davronbek bo‘sh vaqtida rasm chizishga, kitob o‘qishga va sport bilan shug‘ullanishga vaqt ajratadi. Uning sevimli sport turlari orasida voleybol, tennis, badminton va gandbol mavjud. Sport unga nafaqat jismoniy, balki ruhiy kuch bag‘ishlaydi.

Davronbek fikriga ko'ra, lider bo‘lish uchun eng muhim fazilatlar boshqaruvchanlik va odamlar bilan chiqisha olish qobiliyatidir. U har bir yosh avlodga sabr-toqat va qat’iyat bilan barcha qiyinchiliklarni engib o‘tishni tavsiya qiladi.

Uning asosiy maqsadi malakali yurist bo‘lishdir. Davronbekning fikricha, bilim va halollik bilan qurilgan hayot hech qachon egasini xafa qilmaydi. U bu yo‘lda intilib, har bir ishda mas'uliyat hissini o‘rganib keladi.

Xaitbayev Davronbek yurisprudensiya sohasida o'zining bilim va ko‘nikmalarini rivojlantirib, kelajakda malakali yurist sifatida jamiyatni rivojlantirishga hissa qo‘shishni maqsad qilgan. U yosh avlodga bilim olish uchun cheksiz intilish va albatta, mas'uliyatni his qilishni o‘rgatishdan umidvor.