Xayitova Mushtariy Yorqin Qizi

Mushtariy Qashqadaryo viloyati, Qarshi shahrida dunyoga kelgan. Oila muhitida ijtimoiy qiziqishlar va bilim olg‘a suruvchi vositalar muhim rol o‘ynagan. Bolalikda kitob o‘qish, ta’lim olishga, ilm-tanqita mehr qo‘ygan. Bu davrda u ko‘plab kitoblarni o‘qib, bilim dunyosiga kirishgan.

Uning ta’lim yo‘li 46-ixtisoslashtirilgan maktabdan boshlanadi. U yerda o‘z bilimlarini kengaytirishga va qiziqishlari bo‘yicha ko‘plab musobaqalarda faol ishtirok etishga intiladi. Maktabda u biologiya faniga qiziqish bildirdi va bu sohada muvaffaqiyatlarga erishdi. Biologiya olimpiadalarida bir necha bor g‘olib bo‘lishi uning o‘zlashtira olish qobiliyatini yana bir bor ko‘rsatadi. Shu bilan birga, voleybol guruhida ishtirok etib, shahar miqyosidagi musobaqada g‘olib bo‘ldi.

Hozirda Mushtariy Qarshi davlat universitetida ijtimoiy ish yo‘nalishida tahsil olib, bilimlarini yanada kengaytirishga harakat qilmoqda. Oliy ta’limni olish jarayonida u ijtimoiy sohalarda davom etayotgan o‘zgarishlar va muammolar ustida ishlashga, hal qilishga intiladi.

Mushtariy bo‘sh vaqtida musiqa, vokal va til o‘rganish kabi faoliyatlar bilan shug‘ullanadi. Uning sevimli mashg‘ulotlariga kitob o‘qish, vokal to‘garaklariga qatnashish va turli tillarni o‘rganish kiradi. U turk tilida erkin so‘zlasha olishiga qaramay, ingliz va rus tillarini ham mustaqil o‘rganishga harakat qilmoqda.

Mushtariy o‘zining liderlik fazilatlariga e’tibor bergan holda mas’uliyatni his qilish va boshqalarga namuna bo‘lish muhim deb hisoblaydi. U, haqiqiy lider o‘z qarorlarining oqibatlarini zimmaga olish, boshqalar bilan yordam berishga tayyor bo‘lishi kerak, deydi. Bu fazilatlar uning kelajakka bo‘lgan intilishlarini yanada kuchaytiradi.

Mushtariy kelajakda bakalavr bosqichini muvaffaqiyatli tugatib, magistraturada ta’lim olishni niyat qilmoqda. O‘z kasbida professional bo‘lish va turli tillarni puxta egallashni maqsad qilib belgilagan. U kelajakda o‘z bilimlari, tajribasi va ijtimoiy adolatni ta’minlashga intilmoqda.

Xayitova Mushtariy Yorqin qizi kelajakda o‘z orzularini ro‘yobga chiqarish, ijtimoiy sohalarda o‘z hissasini qo‘shish va bilim olishda davom etish niyatida. U o‘zining shiori: «Hayot — bu imkoniyat, bilim esa — yuksalish kaliti» asosida, yoshlar uchun ilhom manbai bo‘lib kelmoqda.