Ziyodullayeva Shirin Ulug'bekovna

Ziyodullayeva Shirin Ulug'bekovna 2009-yil 2-iyul kuni Toshkent shahrida tug'ilgan. U Olmazor tumanida yashaydi, bu joyda Shirin o'zining bolalik davrini o'tkazgan. Uning o'zbek an'analari va qadriyatlaridan olingan tarbiya, juda muhim rol o'ynadi. Bolaligidan ta'limga bo'lgan qiziqish va ilmga mehr, Shirin uchun har doim ustuvor ahamiyatga ega bo'lgan.

Shirin 2016–2026-yillarda 159-umumta'lim o'rta maktabida tahsil olgan. Maktab davrida, u biologiya, kimyo va tarix fanlaridan mukammal bilimlarni egalladi. Shu bilan birga, u akademik muvaffaqiyatlari bilan bir qatorda, ijodiy faoliyatga ham vaqt ajratishni uddaladi. Maktabdagi fan olimpiadalarida ishtirok etish, uning bilimini mustahkamlashda muhim ahamiyatga ega bo'ldi.

2026-yilda Toshkent davlat tibbiyot universitetiga o'qishga qabul qilingan Shirin, hozirda uni Pediatriya fakultetida a'lo baholarga tahsil olmoqda. Bu ta'lim muassasasi uning professional shaxs sifatida shakllanishiga katta hissa qo'shmoqda. Shirin biologiya, kimyo va anatomiya fanlarida yuqori darajadagi bilimga ega bo'lib, xalqaro me'yorlarga mos keladigan diplom va sertifikatlar hamda xalqaro tan olingan natijalarni ko'rsatmoqda.

Shirin Ziyodullayeva ilmiy maqolalar va tezislar muallifi sifatida tanilgan. U xalqaro va respublika miqyosidagi ilmiy maqolalari bilan tanilgan bo'lib, Scopus xalqaro ilmiy bazasida indekslanuvchi, Q4 kvartilidagi Yakutsk tibbiyot jurnalida maqolasi chop etilgan. Shuningdek, uning «Stress» mavzusidagi ilmiy-ommabop maqolasi O'zbekiston Respublikasi Sog'liqni saqlash vazirligining nashrida e'lon qilingan. Shirin bolalarda serebral falaj xavfini erta aniqlashga qaratilgan NEO-CP-100 matematik modelini ishlab chiqqan hamda «Мозг и гормония» nomli ilmiy-ommabop qo'llanma muallifidir. Shu bilan birga, u ilmiy-amaliy konferensiyalarda faol ishtirok etadi.

Shirin «Milliy tiklanish» demokratik partiyasida volontyor sifatida faoliyat yuritmoqda. U Toshkent davlat tibbiyot universitetida rus tili bo'yicha "MedРусский" to'garagining asoschisi va tashkilotchisi sifatida ham o'zini namoyon etmoqda. Xalqaro va respublika miqyosidagi intellektual bellashuvlarda ishtirok etib, doimiy ravishda o'z bilim va ko'nikmalarini oshirib kelmoqda. Shuningdek, u «Besh tashabbus»ning kitobxonlik va sport yo'nalishlarida, «Zakovat» intellektual bellashuvlarida ham qatnashadi.

U tomonidan yaratilgan «Sog'lom bolalar — baxtli kelajak» loyihasi, kam ta'minlangan va bemor bolalarga ijtimoiy va ma'naviy qo'llab-quvvatlashni maqsad qilib oladi. Ushbu loyiha orqali Shirin, o'zining ijtimoiy mas'uliyatini his qilib, atrofdagilarga yordam qo'lini cho'zmoqda. Shuningdek, dual ta'lim dasturi doirasida xususiy NeuroTab klinikasida professor, nevrolog Usmanova Durdona Djurabayevna rahbarligida faoliyat yuritmoqda, bu esa unga klinik tajribalarini oshirishda yordam bermoqda.

Shirin bo'sh vaqtida kitob o'qish bilan shug'ullanadi. U o'z bilimini kengaytirish va dunyoqarashini boyitish maqsadida har xil janrda kitoblarni afzal ko'radi. Uning fikricha, lider bo'lish uchun eng muhim fazilatlar — adolat va samimiylikdir. U kelajakda o'z ta'lim va professional maqsadlariga erishish uchun tirishqoqlik va mehnatsevarlikni odamlarga o'rgatishni istaydi.

Ziyodullayeva Shirin kelajakda yuqori malakali shifokor bo'lishni, kasalliklarni erta aniqlash va samarali davolashga hissa qo'shishni rejalashtirmoqda. Zamonaviy tibbiy texnologiyalarni rivojlantirish, ilm-fan va innovatsiyalar orqali O'zbekiston tibbiyotini har tomonlama rivojlanishiga hissa qo'shishni maqsad qilgan. U o'zining hayotiy shiorida: «Ba'zan insonga dori-darmondan tashqari, birog'iz shirin so'z, samimiy tabassum va mehr ham kerak bo'ladi» deb ta'kidlaydi.

Shirin Ziyodullayeva, o'zining nafaqat akademik, balki ilmiy va ijtimoiy faoliyatlari bilan ham yuksalishga intilayotgan yosh mutaxassis sifatida, kelajakda O'zbekiston tibbiyoti rivojiga katta hissa qo'shaman deb umid qilmoqda. U ilm-fan va innovatsiyalarni rivojlantirishga intilib, mamlakatimizni xalqaro miqyosda tanitish yo'lida faoliyat olib bormoqda. Shirinning kelajakdagi rejalari, o'zining shifokorlik faoliyati, bilim tarqatish va yurtimizda tibbiy texnologiyalarni rivojlantirishga jiddiy yondashishi bilan kuchli umid va ishonch uyg'otadi.