Abbosova Hulkar Abbos Qizi

Hulkar Abbosova Abbos qizi 09.04.2007-yilda Samarqand viloyati Ishtixon tumani Xalqobod qishlog‘ida tug‘ilgan. Hozirda Samarqand shahrida yashaydi. Uning ta’lim darajasi tugallanmagan oliy bo‘lib, Samarqand davlat tibbiyot universitetida tibbiyot sohasida tahsil oladi.

U faoliyatini o‘qishga kirganidan so‘ng tibbiyotga oid maqolalar yozishdan boshlagan. Biologiya va kimyo fanlaridan A va A+ natijalariga erishgan hamda tibbiyotga oid 7 ta ilmiy maqola chiqargan.

Hulkar hayotida ko‘plab muvaffaqiyatli insonlarni ko‘rgan, unga esa, avvalo, ota-onasi ta’sir ko‘rsatgan. Uning hayotiy shiori: «Buyuk muvaffaqiyatlar kichik qadamlar, qat’iy intizom va uzluksiz harakatlar orqali bunyod etiladi».

Bo‘sh vaqtida badiiy kitob o‘qish va til o‘rganish bilan shug‘ullanadi. Uning fikricha, lider bo‘lish uchun eng muhim fazilat — jamoani boshqara olish. U doimo katta maqsadlar qo‘yadi, o‘z ustida doimiy ishlashga intiladi va yangi bilimlarni o‘rganishga qiziqadi. Boshqalar undan sabrli bo‘lish va xushmuomalalikni o‘rganishlari mumkin.

Kelajakda u o‘z sohasida malakali mutaxassis bo‘lishni, chet davlatlarda malaka oshirishni va o‘z yurtida bu ilmlarni tadqiq etishni rejalashtiradi.

«Har kuni maqsadingiz sari bir qadam tashlang. Vaqt o‘tib, bugungi kichik harakatlaringiz ertangi katta natijalarga aylanadi.»