Abdug'ofurova Busora Ahmadali Qizi

Abdug‘ofurova Busora Ahmadali qizi 2008-yil 2-noyabrda Andijon viloyati, Baliqchi tumanida tug‘ilgan va ayni paytda shu tumanda yashaydi. U 40-sonli umumiy o‘rta ta’lim maktabida tahsil olgan. Ta’lim darajasi — tugallanmagan oliy. U 2026-yilda 1-kurs talabasi sifatida filologiya va tillarni o‘qitish: ingliz tili yo‘nalishida tahsil oladi.

Busora umumiy ta’lim darajasini belgilovchi ona tili va tarix fanlaridan sertifikatlarga, shuningdek, IELTS 6 xalqaro sertifikatiga ega. U bo‘sh vaqtining ko‘p qismini kitob o‘qish, musiqa tinglash va rasm chizishga bag‘ishlaydi. Kitoblarni o‘qish va ular haqida yaqinlari bilan suhbatlashishni juda yaxshi ko‘radi.

U veb-dizaynga juda qiziqadi hamda bu sohada 1, 2 yillik tajribaga ega. Dizayn sohasida yetarlicha ma’lumotga ega. Uning fikricha, lider bo‘lish uchun yetakchilik va yaxshi muloqot muhim. Boshqalar undan yaratuvchanlik va faol ijtimoiy hayotni o‘rganishlari mumkin.

Busora o‘z kasbining eng yaxshi va mahoratli egasi bo‘lishni, xalqaro ishlarda ishlashni hamda muvaffaqiyatga erishishni maqsad qilgan. Uning hayotiy prinsipi: “Men uchun o‘qish — shunchaki yaxshi baho olish emas, balki kelajakdagi o‘zimni yaratishdir.” Boshqa yoshlarga esa: “Hech qachon mag‘lubiyatdan qo‘rqmang va harakatdan to‘xtamang”, deb maslahat beradi.