Abdullayeva Manzura Otabek Qizi

Abdullayeva Manzura Otabek qizi 2008-yil 20-noyabrda Qoraqalpog‘iston Respublikasi Amudaryo tumanida tug‘ilgan. Hozirda Toshkent shahri Uchtepa tumanida yashaydi.

U O‘zbekiston davlat jahon tillari universitetining Filologiya va tillarni o‘qitish: ingliz tili yo‘nalishi 1-bosqich talabasi. Maktabning 8-sinfiga kelib ingliz tili kurslariga qatnasha boshlagan. CEFR bo‘yicha B2, ona tili fanidan Milliy sertifikatning B darajasi hamda tarix fanidan C+ darajasini qo‘lga kiritgan.

Manzura “Xorijiy tillarni o‘qitish bo‘yicha eng yaxshi maktab” ko‘rik-tanlovida ishtirok etib, Qoraqalpog‘iston Respublikasi Amudaryo tumanida maktab jamoasi bilan faxrli 2-o‘rinni egallagan va 75 million yutib olgan.

Uning hayotiy prinsipi — hech qachon harakatdan to‘xtamaslik va onasini rozi qilish. Bo‘sh vaqtida yangi tillarni o‘rganadi hamda badiiy adabiyotlar o‘qiydi. Uning fikricha, lider bo‘lish uchun eng muhim fazilat — boshqalarning fikrini tinglash va uni inobatga olishdir.

Kelajakda u o‘z kasbining mutaxassisi bo‘lishni, pedagogika fanlari bo‘yicha dissertatsiya yoqlashni hamda onasini haj safariga olib borishni maqsad qilgan. U odamlar undan boshqalarga qanday munosabatda bo‘lishni va yomon gapirganlarga hech narsa demasdan Allohga kifoya qilishni o‘rganishlari mumkin, deb hisoblaydi.