Abdumurodova Mumtozmahal Sherdil Qizi

Abdumurodova Mumtozmahal Sherdil qizi 2008-yil 15-sentyabrda Samarqand viloyati Kattaqo‘rg‘on tumani Qoqsoy MFYda tug‘ilgan. U Toshkent shahri Chilonzor tumani Naqqoshlik mahallasidagi 24-uyda yashaydi.

U o‘rta maxsus ma’lumotga ega. Hozirda O‘zbekiston davlat jahon tillari universitetining Sharq tillari fakultetida 1-kurs talabasi sifatida Filologiya va tillarni o‘qitish: yapon tili yo‘nalishida tahsil oladi. U 2024-yilda ingliz tili to‘garagiga qatnashishni boshlagan va shu paytdan boshlab turli tillarga qiziqishi uyg‘ongan.

Mumtozmahal ingliz tili bo‘yicha CEFR B2, ona tili bo‘yicha Milliy sertifikat A hamda matematika bo‘yicha Milliy sertifikat B darajasiga ega. Uning ingliz tili ustozi Yo‘ldoshev Sadriddin unda ushbu yo‘nalishga nisbatan qiziqish uyg‘otgan, unga to‘g‘ri yo‘l ko‘rsatib, shu darajaga erishishiga katta hissa qo‘shgan.

Bo‘sh vaqtida u ingliz tilini rivojlantirish uchun yangi so‘zlarni o‘rganadi, muloqot qiladi, podkastlar tinglaydi va yapon tilini rivojlantiradi. Shuningdek, ora-orada she’r yozadi. U she’r yozishga qiziqadi, hozirda 50 dan ortiq she’ri bor. She’r yozishni 7 yoshidan boshlagan va hozirgacha o‘z ustida ishlab, mahoratini oshirishga harakat qilmoqda.

Uning hayotiy shiori: “To‘xtamagan inson albatta g‘alaba qozonadi, hatto u sudralgan bo‘lsa ham.” Uning fikricha, lider bo‘lish uchun jamoadagi har bir insonni tinglash, kerak bo‘lsa unga yordam berish va jamoadagi har bir inson bilan bir xil harakat qilish muhimdir. U boshqalar undan kamtarlik va mehribonlikni, o‘z maqsadlarida mustahkam turish hamda hech qachon to‘xtamaslikni o‘rganishlari mumkin deb hisoblaydi.

Kelajakda Mumtozmahal 5 ta va undan yuqori tillarni mukammal darajada o‘rganib, kuchli mutaxassis bo‘lishni rejalashtiradi. U katta-katta konferensiyalarda nutq so‘zlash, yuqori darajali ustoz va tarjimon bo‘lish, liderlik mahoratini oshirish hamda ko‘plab insonlarga yordam berishni maqsad qilgan.