Abdurashidova Tabassum

Abdurashidova Tabassum Azamatovna 2008-yil 5-iyunda tug‘ilgan. U filologiya yo‘nalishining o‘zbek tili va adabiyoti mutaxassisligida tahsil oladi. Maktabda tahsil olgan nomzod hozirda universitetda o‘qiydi.

U faoliyatini 2 yil oldin boshlagan. Uning ona tili va adabiyoti hamda ingliz tili fanlaridan sertifikatlari bor. Tabassumga ota-onasining: «Senga ishonamiz», degan gapi ta’sir qilgan. O‘z ustida ishlamay, hozir pushaymon bo‘lganlar unga ko‘proq turtki bo‘lgan.

U bo‘sh vaqtida badiiy kitoblar o‘qiydi. Uning fikricha, lider bo‘lish uchun eng muhim fazilat — shaxsiy fikrga ega bo‘lishdir. Boshqalar undan jiddiylikni, o‘ziga ishonchni va oldiga qo‘ygan maqsadiga qiyinchiliklar bo‘lsa ham erishishni o‘rganishlari mumkin.

Tabassum bakalavr bosqichini tugatib, magistraturada o‘qishni hamda o‘z ustida ko‘proq ishlashni rejalashtirgan. Uning maqsadi va orzusi ota-onasini Umra safariga yuborish hamda ular xohlaganidek farzand bo‘lishdir. U yurist bo‘lishga qiziqadi; bu uning bolalikdagi orzusi bo‘lib, o‘zidagi ko‘plab xarakter xususiyatlari va haqiqat tarafida ekanligi bunga asos bo‘la oladi, deb hisoblaydi.