Abdusalomova Marjona Jahongir Qizi

Abdusalomova Marjona Jahongir qizi Jizzax viloyati, Forish tumanida tug‘ilgan. U Jizzax viloyati, Forish tumani, Ilonli MFY, O‘rtabuloq mahallasi, Diyorobod ko‘chasi, 16-uyda istiqomat qiladi. U Jizzax davlat pedagogika universiteti Pedagogika, psixologiya va inklyuziv ta’lim fakultetining Pedagogika yo‘nalishi 1-bosqich talabasi. Kelajakda o‘qituvchilik sohasida faoliyat olib borishni rejalashtiradi, hozirda esa universitetda volontyorlik faoliyati bilan shug‘ullanadi.

Uning faoliyati 7-sinfdan boshlangan. U yosh kitobxonlikka qiziqib, kitob o‘qigan, sport va rassomchilik tanlovlarida qatnashgan. Marjona 80 dan ortiq xalqaro sertifikat sohibasi. U Zulfiya nomidagi Davlat mukofotining shahar bosqichi ishtirokchisi, «Behbudiy izdoshlari», «Ta’limdagi muvaffaqiyatlari uchun» va «Millatlar mozaikasi» ko‘krak nishonlari sohibasi.

U 3 ta xalqaro antologiya ishtirokchisi, «So‘z sayqali» antologiyasi ishtirokchisi hamda «Men sharq qiziman» antologiyasi muallifi. Argentina Yozuvchilar uyushmasi a’zosi bo‘lgan Marjonaning maqolalari Google platformasida e’lon qilingan. U «Oltin qanot volontyorlari» tashkilotining Forish tumani sobiq koordinatori va «Qizlar akademiyasi» rasmiy volontyoridir. Shuningdek, Qizlar akademiyasining 20 ta kursini muvaffaqiyatli tamomlagan hamda «NextGen Summit» xalqaro loyihasida grantlar va davlat mukofotlari yo‘nalishi koordinatori bo‘lgan. U ona tili fanidan B+ darajali, tarix fanidan C+ darajali milliy sertifikat sohibasi, xalqaro konferensiya va vebinarlar ishtirokchisi hamda 100 dan ortiq badiiy asarni mutolaa qilgan.

Uning hayotiga Shohida Yusupova, Laylo Bakhtiyorova, Mansurova Sarvinoz, otasi Yakubov Jahongir, onasi Yakubova Iroda va ustozlari ta’sir ko‘rsatgan. Uning hayotiy prinsiplari: «O‘zingizga investitsiya qiling. Bilim — eng katta kapital» hamda «Imkonsizdek tuyulgan maqsadlar sari intilish — buyuk natijalarning boshlanishi».

Bo‘sh vaqtida kitob o‘qiydi, rasm chizadi, sayohat qiladi va do‘stlari bilan suhbatlashadi. U liderlik uchun mas’uliyat va jamoani boshqara olish muhim, deb hisoblaydi. Kelajakda Zulfiya nomidagi Davlat mukofoti sovrindori bo‘lishni, shaxsiy rivojlanishni, shaxsiy mashinasi va uyi bo‘lishini, ota-onasini Umra ziyoratiga yuborishni, o‘z kasbining yetuk mutaxassisi bo‘lishni, turk va ingliz tillarini o‘rganishni hamda chet davlatlarga sayohat qilishni maqsad qilgan. U o‘zini juda o‘zgaruvchan, qiziquvchan, quvnoq va moslashuvchan inson deb ta’riflaydi.