Abdusattorova Muharram Anvar Qizi

Abdusattorova Muharram Anvar qizi 2008-yil 23-yanvarda Toshkent viloyati Oqqo‘rg‘on tumanida tug‘ilgan va shu tumanda yashaydi. U Oqqo‘rg‘on tumani ixtisoslashtirilgan maktabi bitiruvchisi, hozirda O‘zbekiston jurnalistika va ommaviy kommunikatsiyalar universitetining xalqaro munosabatlar yo‘nalishida tahsil olayotgan talabasi.

Muharram bo‘sh vaqtida asosan kitob o‘qish, yangi bilimlar va tillarni o‘rganish, xalqaro munosabatlar hamda siyosatga oid mavzularni o‘rganish bilan shug‘ullanadi. Uning shiori: «Katta orzular kichik, ammo doimiy qadamlar bilan amalga oshadi». Hayotiy prinsipi — har kuni kechagidan yaxshiroq bo‘lish, imkoniyatlardan qo‘rqmasdan foydalanish va boshlagan ishini oxirigacha yetkazish.

Uning fikricha, liderlik uchun eng muhim fazilat mas’uliyatdir: haqiqiy lider nafaqat boshqalarga yo‘l ko‘rsatadi, balki o‘z qarorlari va jamoasining natijalari uchun ham javob bera oladi. U odamlarni tinglash, adolatli bo‘lish va jamoani ruhlantira olishni ham muhim deb hisoblaydi. Muharram boshqalar undan maqsad sari intilish, mas’uliyatli bo‘lish hamda har qanday imkoniyatdan o‘z ustida ishlash uchun foydalanishni o‘rganishlari mumkinligini ta’kidlaydi.

Kelajakdagi eng katta maqsadlaridan biri diplomat bo‘lish va Vataniga sadoqat bilan xizmat qilishdir.

«Orzularingizdan qo‘rqmang, ularga erishish uchun har kuni kichik qadam tashlang. O‘zingizga ishoning, imkoniyatlarni izlang va hech qachon o‘rganishdan to‘xtamang.»